कमल कुमार मण्डल ,राजविराज ।सप्तरीको तिलाठी काेईलाडी गाउँपालिका तिलाठी स्थित मंगलबारदेखि खाँडाे नदिकाे बाँध मर्मत कार्य सञ्चालन गरिएको छ ।
तिलाठी तर्फ नदिकाे पानीका बहाब उच्च रहेकोले गाउँपालिका अध्यक्ष सतिश कुमार सिंहकाे अगुवाइमा पाईलिंग, जालि, बाेराले साे कार्य थालिएको हाे । नेपाल अार्मी, नेपाल प्रहरी, शस्त्र प्रहरी, जिल्ला प्रहरीका टाेली, कुनाैली भंसारका टाेली गरि जम्मा १ सय जनाको टोली खटिएकाे गाउँपालिका अध्यक्ष सतिश कुमार सिंहले जानकारी दिएका छन् ।
उनका अनुसार बालुवा नजिकमा नभेटिएकाेले मंगलबार लगभग १० अाेटा जाली तथा १५ सय बाेरा भरिएकाे छ । खाँडाे नदि बाँधमा बढी कटान भएकाेले दुई तिनदिनमा रफ्तारमा काम गरिने अध्यक्ष सिंहले बताएका छन् । अविरल बर्षा तथा खाँडो, महुली, जिता र कोशीनदीको बाढीले सप्तरीको तिलाठी कोइलाडी गाउँपालिकाका करिब २ हजार परिवार प्रभावित भएको छ । तिलाठीमा करिब एक दर्जन घर बाढीबाट भत्किएको छ ।
पुर्व सिचाइ मन्त्री उमेश कुमार यादव तिलाठी काेइलाडी गाउँपालिकाका बाढी पिडितका लागि २५ हजार १ सय ५५ रुपैयाँ सहयाेग गरेका छन् । यसैगरी प्रदेश नम्बर २ का भूमि व्यवस्था कृषि तथा सहकारी मन्त्री शेलेन्द्र प्रसाद साहले बाढी पिडितका लागि १ लाख रुपैयाँ सहयाेग गरेका छन् ।
