सप्तरी । सप्तरीमा बसले मोटरलाईकललाई ठक्कर दिदाँ एक जनाको मृत्यु भएको छ ।
सुरुङ्गा नगरपालिका वडा नं ५ स्थित पुर्व पश्चिम राजमार्ग अन्तर्गत पश्चिम बाट पुर्व तर्फ जादै गरेको प्रदेश २–०१–००१ प ०२९१ नम्बरको मोटरसाईकललाई सोही दिशा तर्फ गइरहेको ना ३ ख ३१४९ नम्बरको बसले ठक्कर दिदा दुर्घटना भएको हो ।
मोटरसाईकल चालक सिन्धुलीको दुधौली नगरपालिका वडा नं ७ का ४० वर्षीय कुमार बस्नेतको मृत्यु भएको जिल्ला प्रहरी कार्यालय सप्तरीका प्रहरी नायब उपरीक्षक माधव प्रसाद काफ्लेले जानकारी दिए । दुर्घटनामा परी गम्भिर घाइते भएको बस्नेतको सिरहा स्थित सप्तऋषी अस्पतालमा उपचारको क्रममा मृत्यु भएको हो ।
बस र मोटरसाईकल ईलाका प्रहरी कार्यालय कडरवोनाको नियन्त्रणमा राखी थप अनुसन्धान भइरहेको प्रहरीले जनाएको छ ।
