न्यूजमधेश डेक्स
सिरहा ,१० मंसिर । मधेशीलाई द्धिती भन्न पाइदैन भन्दै जनमत पार्टीले सिरहासहित मधेशका जिल्लाको सदरमुकाममा प्रदर्शन गरेका छन ।
प्रत्येक वर्ष झैँ यस वर्ष पनि जनमत पार्टीले रंगभेद विरुद्धको एकता दिवसको अवसरमा सिरहा जिल्लाको सदरमुकाम सिरहामा युवा दस्तालाई प्रशिक्षण पछी मोटरसाईकल जुलुससहित प्रदर्शन गरेको हो ।
शुक्रबार जनमत पार्टी सिरहा अध्यक्ष विजय कुमार साहको अध्यक्षतामा भएको कार्यक्रम जनमत पार्टीका केन्द्रीय उपमहासचिव ई .इन्द्रजित यादवको प्रमुख आतिथ्यमा सम्पन्न भएको हो ।
उक्त प्रदर्शनमा सहभागीहरुले मधेशीलाई धोति भन्न पाइदैन ,रंगभेद अन्त्य गर ,जनमत पार्टी जिन्दाबाद ,रंगको आधारमा विभेद गर्न बन्द गर जस्ता नाराहरु लगाउदै प्रदर्शन गरेका हुन् ।
उपमहासचिव ई यादवले न्यूजमधेशसंग कुरा गर्दै उनले भने ‘७ वर्ष अगाडी काठमाडौंमा ,अध्हेशीहरुलाई रंगको आधारमा पक्राउ गरेको विरुद्धमा जनमत पार्टीले प्रत्येक वर्ष मङ्सिर १० गते रंगभेद विरुद्धको एकता दिवस मनाउदै आइरहेको छ ।’
२०७१ साल मंसिर १० गतेको दिन नेपालको राजधानी काठमाडौंमा डा सीके राउतको नेतृत्वमा भएको सभासहित विभिन्न स्थानबाट करिब ६ सय भन्दा बढी मधेशीहरुलाई रंगको आधारमा पक्राउ गरिएको थियो ।
नेपालमा अझै रुकेका छैन ।रंगको आधारमा विभेद कुनै पनि सरकारी कार्यालयमा जादा मधेशीहरुलाई फेसे हेरेर काम नगरिकन फर्काउन कार्य अहिले पनि जारी रहेको उपमहासचिव ई यादवले बताए ।
उनले रंगभेद अन्त्य नभएसम्म जनताले परिवर्तनको महसुस गर्न नसक्नुको साथै देश समुन्नत विकास नहुने बताए । जब सम्म यो जातीय ,लिंग ,भेस र रंगको आधार हुदै आएको विभेद अन्त हुदैं तब सम्म जनमत पार्टीले रंगभेदको विरुद्धमा आन्दोल गर्ने उनले चेतावनी समेत दिएका हुन् ।
उक्त कार्यक्रममा पार्टीका जिल्लाका नेता कार्यकर्ताहरुको बाक्लो सहभागिता रहेको जनमत पार्टीले जनाएको छ ।
