न्यूजमधेश डेस्क
कैलाली ,१५ मंसिर ।कैलाली जिल्लाको टीकापुर नगरपालिकामा जनमत पार्टीको प्रथम नगरअधिवेशन सफलता पूर्वक सम्पन्न भएको छ।
बुधबार सन्तराम डंगौराको अध्यक्षतामा भएको प्रथम नगरअधिवेशन प्रेस जनमत संघका केन्द्रिय अध्यक्ष एवम् केन्द्रिय परिवेक्षक बीपी साहको प्रमुख आतिथ्यमा १९ सदस्यीय नगर समिति कार्यसमिति गठन गरिएको छ।
उक्त कार्यसमितिको उपाध्यक्षमा मन्जु चौधरी, सचिवमा अनिता डंगौरा, सहसचिवमा मोहन चौधरी र कोषाध्यक्षमा सविता चौधरी चयन भएका छन्।
थारु कल्याणकारिणी सभाकी क्षेत्रीय उपाध्यक्ष सविता चौधरी, मुक्त कमलरी विकास मञ्चकी जिल्ला अध्यक्ष विन्द्र चौधरीलगायत ४९ जना जनमत पार्टीमा प्रवेश गरेका छन्।
बरघरहरु रामफल चौधरी, आइतवारी चौधरी, थारु विद्यार्थी समाजका कैलाली जिल्ला अध्यक्ष आशिष चौधरी, लक्ष्मण चौधरी, ललिता चौधरी, दिव्या चौधरीलगायतका सम्पूर्ण शुभचिन्तकहरुलाई धन्यवादसमेत दिएका छ्न।
