लहान , १८ पुस: जनमत पार्टीको नेतृत्वमा चलिरहेको किसान आन्दोलन सरोकारवाला निकायको मौनताका कारण अझै उग्र बन्दै गैरहेको छ्। धनुषाको पौरताहामा आज आन्दोलनकारीहरु माथी प्रहरीले गोलि चलाएको थियो । आन्दोलनमा प्रहरीले दमन गरेको आक्रोशमा सप्तरीको रुपनीमा साझ प्रदर्शनकारीहरुले चक्काजाम अवज्ञा गरेको भन्दै ट्रक नै पल्टाइ दिएको छ। जनमत पार्टीले किसानका दु:ख पीडा बुझदै विभिन्न ११ बुंदे माग सहित अनिश्चितकालका लागि चक्काजाम गर्ने घोषणा गरेको छ ।
प्रहरीको गोलिबाट ५ जना आन्दोलनकारी घाइते भएका छन।भने २ जनाको अवस्था गम्भीर रहेको छ।गोलि लाग्नेहरुमा संजय साह,बिजय यादव,रामदियाल मण्डल ,नथुनी यादव र बैजनाथ साह रहेको छ। उनिहरुलाई गोदार स्थित रहेको अस्पतालमा उपचारको लागि लगिएको थियो भने पछि थप उपचारका लागि प्रादेशिक अस्पताल जनकपुर लगिएको छ।
किसानलाई सिंचाईको व्यबस्था वा बिजुली नि:शुल्क दिनुपर्ने, समयमा मलखाद उपलब्ध गराउनुपर्ने, किसानलाई पेन्सन दिनुपर्नेलगायतका माग राख्दै जनमत पार्टीले मधेशकेन्द्रित आन्दोलन गरिरहेको छ ।