जनकपुरधाम । किसानलाई गहु खेतीको लागि आवस्यक मलखाद्य उपलब्ध गराउन र देशै भरी चलिरहेको किसान आन्दोलनको माग सम्बोधनका लागी एक्यवद्धता जनाउन किसान आन्दोलन संघर्ष समितिले औरही गाउँपालिकालाई ज्ञापन पत्र दिएको छ।
हाम्रो देश कृषि प्रधान देश हो । तर यहाँ सदैब मलखाद्यको समस्या हुने गरेको छ। तसर्थ मल खाद्य उपलब्ध गराउन र आन्दोलनमा एक्यवद्धता जनाएर सरकारलाई माग सम्बोधनका लागि अपिल गरिदिन भन्दै ज्ञापन पत्र बुझाएको किसान आन्दोलनकारी नेता रामभुवन यादवले बताउनु भयो।
किसानको माग सम्बोधनका लागि उच्च स्तरीय बार्ता टोली गठन , मलखाद्यको वयवस्था , कृषि मिटरको विद्युत नि: शुल्क , उखु किसानको भुक्तानी लगायतका ११ बुंदे माग राख्दै अहिले किसानहरु देशै भरी आन्दोलन गरिरहेको छ। आन्दोलनलाई भने माननीय सांसद राजेन्द्र महतो , मधेशी पत्रकार समाज , मानव अधिकार रक्षक समाज लगायत विभिन्न स्थानीय तहका प्रमुखहरुले एक्यवद्धता जनाइसकेको छ।
