सिरहा : सिरहाको औरही गाउँपालिकाले रोकेर राखेको समाजिक सुरक्षा भत्ता अगामी माघ चार गते बाट वितरण गर्ने भएको छ। प्रत्येक तीन तीन महिनामा वितरण गर्नुपर्ने भत्ता छ महिना बितिसक्दा पनि बितरण नगरेपछि जनमत पार्टी औरहीले गाउँपालिका अधिकृत अमरेन्द्र कुसयैतलाई आइतबार ज्ञापनपत्र मार्फत ७ दिने अल्टिमेटम दिएका थिए । त्यसपछी गाउँ पालिकाले चासो लिदै बितरण गर्न लागिएको बुझिएको छ।
हामी जेष्ट नागरिकहरुको सुरक्षा कवजका रुपमा रहेको भत्ता पालिकाको लापरबाहीका कारण कहिले पनि समयमा नपाउने गरेको दुखेसो सुनाउदै औरही ४ का लाभग्राही असलान देबी यादवनीले जनमत पार्टीको यो कदमलाई सराहनीय भन्दै धन्यवाद दिए।केही दिन अघि देखि तराई मधेश लगायत देशै भरी बढ्दै गएको चिसो छल्न स्वेटर , चादर वा बल्याङकेट किन्ने सपना बोकेका बृद्वबृदाहरुको सपना बिपनाको रुपमा परिणत भैसकेको बताउदै यथासम्भव ७ दिन भित्र रोकिएको भत्ता बितरण गर्न जनमत पार्टीले ज्ञापन पत्र दिएको थियो । बितरण नभए जनमत पार्टी कडा कदम चाल्न बाध्य हुने चेतावनी समेत दिएको थियो ।
