न्यूजमधेश डेस्क
जनकपुरधाम,२९ पुस। कोरोना महामारीको बहानामा किसान आन्दोलन नरोकिने जनमत पार्टीका राष्ट्रिय उपाध्यक्ष अब्दुल खानले बताएको छ।
उपाध्यक्ष खानले भोलि किसान महारैलीको सम्पुर्ण तयारी सम्पन्न भएको उनले बताए।धनुषाको सदरमुकाम जनकपुरसहित प्रत्येक जिल्लाको सदरमुकाममा किसान महारैलीमा किसानहरुको ठूलो उपस्थिति रहने नेता खानले भने।
उनले सरकारले उच्च स्तरिय वार्ता टोली बनाएर किसानहरुसंग वार्ता नगरेसम्म किसान आन्दोलन नरोकिने बताएका हुन् । उनले भनेका छन्- सरकारको कुनै नियम र कानुन लागु हुँदैन र आन्दोलन जारी रहन्छ ।
किसान आन्दोलनलाई कमजोर ठान्ने र किसान महारैलीमा सहभागी हुन आउने किसानहरुलाई यदि प्रहरीले कतै रोक्ने प्रयास गरियो ।भने त्यहाँ जेपनि हुन सक्छ ।यसलाई आन्दोलनलाई अपमानित गर्ने काम कसै-कतैबाट प्रयास गरियो भने देशका लागि दुर्भाग्य हुने उनले भनेका छ्न। उनले किसानको जाय माग पुरा गर्न र समृद्ध देश निर्माण गर्ने अभियानमा जुट्न सम्पूर्ण पक्षसँग अपिल समेत गरेका छन् ।
जनमत पार्टीले किसानलाई मलखाद समयमा सहज रुपले उपलब्ध गराउनुपर्ने, सिँचाईको व्यवस्था वा विजुली निःशुल्क गर्नुपर्ने, किसानलाई पेन्सनको व्यवस्था गर्नुपर्ने लगायतका ११ बुँदै माग राखेर आन्दोलनरत छ ।
यता ,जनमत पार्टी धनुषाले किसानहरुको महार्यालीमा भोलि ११ बजे जनकपुरधाममा युवा,विद्यार्थी ,बुद्धिजीवी ,समाजसेवीसहित सम्पुर्ण धनुषाबासीलाई किसान महार्यालीमा सहभागी हुनको लागि आग्रह गर्नुभएको छ।
