न्यूजमधेश डेस्क
काठमाडौं ,३० पुष। विशेष अदालतले घुससहित पक्राउ परेका एक उपसचिवलाई भ्रष्टाचार मुद्दामा दोषी ठहर गरेको छ । न्यायाधीशहरू अब्दुल अजिज मुसलमान र नित्यानन्द पाण्डेको संयुक्त इजलासले उपसचिव लिला अधिकारीलाई दोषी ठहर गरेको हो ।
बूढानीलकण्ठ नगरपालिका कार्यालय काठमाडौंका तत्कालीन प्रमुख प्रशासकीय अधिकृत रहेका अधिकारी ५ लाख घुससहित पक्राउ परेका थिए । अधिकारीलाई अख्तियारको टोलीले २७ चैत २०७४ मा पक्राउ गरेको थियो । अधिकारीविरुद्ध २३ वैशाख २०७५ मा भ्रष्टाचार मुद्दा दायर भएको थियो । उनीसँगै पक्राउ परेका नगरपालिका इन्जिनियर विजेन्द्र श्रेष्ठलाई पनि अदालतले भ्रष्टाचार मुद्दामा दोषी ठहर गरेको छ ।
उनीहरूले बूढानीलकण्ठ नगरपालिका–२ बाँडेपाखामा रिजर्भ वायर पानी ट्याङकी निर्माण कार्य सम्पन्न गरेपश्चात् कार्य अनुभवपत्र लिने प्रयोजनका लागि सेवाग्राहीसँग घुस मागेका थिए ।
विद्युत् प्राधिकरणको ललितपुर सब स्टेसन प्रमुख घुससहित पक्राउ नेपाल विद्युत् प्राधिकरण काठमाडौं ग्रिड महाशाखा सब–स्टेसन पाटनका प्रमुख १ लाख ४० हजार रुपैयाँ घुससहित पक्राउ परेका छन् । ललितपुर सब–स्टेसनको प्रमुखका रूपमा कार्यरत सुपरभाइजर पाँचौं तहका सोमप्रसाद पहाडीलाई अख्तियार दुरुपयोग अनुसन्धान आयोगको टोलीले पक्राउ गरेको हो ।राजधानी दैनिकमा छापिएको हो ।
मन्त्री यादवलाई बर्खास्त गर्न कांग्रेस महामन्त्री शर्माको माग
किसान आन्दोलन : १९ दिनपछि जनमतको जिल्ला अध्यक्ष कुशवाहासहित ३ जना रिहा
धनुषामा मास्क नलगाउनेलाई १०० रूपैयाँ जरिवाना
रेणु यादवले सम्झाएको गौर नरसंहारः फोरमले यसरी गरेको थियो २७ माओवादीको हत्या
रेणु यादवलाई मन्त्री पदबाट बर्खास्त गर्न जनमत पार्टीको माग
