०४ साउन २०८१, शनिबार
20-07-2024 , Sat
×

जनकपुरमा किसान महार्यालीमा ओर्लियो जनसागर ( फोटो फिचर )

Logo
प्रकाशित शुक्रबार, पुष ३०, २०७८

न्यूजमधेश डेस्क
जनकपुरधाम,३० पष।प्रदेश २ का अस्थायी राजधानी जनकपुरमा डा सीके राउत नेतृत्वको जनमत पार्टीले कृषि औजारसहित प्रदर्शन गरेको छ ।

जनमत पार्टी धनुषाको आयोजनामा भएको किसान महार्यालिमा किसानको माग सम्बोधन गर्न माग गर्दै जनमत पार्टीका नेता कार्यकर्तासहित किसानहरुले कृषि औजारसहित प्रदर्शन गरेका हुन् ।

कृषि औजार कोदालो,हसुवा,खुरपी,लहरीको पोट,ढक्किया, हलोलगायतका समाग्री बोकेर ¥यालीसहित गाउँ गाउँबाट हजारौंको संख्यामा धनुषा जिल्लाको सदरमुकाम जनकपुरको रामानन्द चौकमा पुगेर किसान महार्यालिमा किसानहरु सहभागी भएका थिए।

जनकपुरको रामनन्द चौकबाट सुरु भएका किसान महार्याली जिरोमाइल,तपसी चोक,मुरली चौक,कदम चौक,भानु चौक हुँदै नगरको विभिन्न क्षेत्रमा परिक्रमा गरी जनक चौकमा पुगेर कोणसभामा परिणत गरेका थिए।

किसानको माग सम्बोधन गर्न उच्चस्तरीय समिति गठन, समयमा मल र बिउको व्यवस्था तथा फसलको उचित समर्थन मूल्य तोक्नु पर्ने,किसान आन्दोलनमा पक्राउ परेका आन्दोलनकारीहरुलाई रिहाईको माग गर्दै जनमत पार्टीले तराईका विभिन्न जिल्लाको सदरमुकाममा आज किसान महार्याली निकालिएको हो।

करिब तीन सप्ताहदेखि आन्दोलित किसानको जायज मागहरूलाई सरकारले कुनै वास्ता नगरीको र उल्टै किसान आन्दोलनमाथि दमन गरेको छ।किसान आन्दोलनमा गोलि चलाएको सो गोलिबाट ५ जना आन्दोलनकारीहरु घाइतेसमेत भएको जनमत पार्टीकि राष्ट्रिय सचिव अनिता साहले बताएकी छिन् ।

कोणसभालाई सम्बोधन गर्दै जनमत पार्टीका राष्ट्रिय उपाध्यक्ष अब्दुल खानले किसानको माग सम्बोधन गराउनको लागि आफुहरु गोलि पनि खान तयार रहेको बताएको छ।

उपाध्यक्ष खानले सरकारविरुद्ध हुने महाआन्दोलनमा सहभागिताका लागि सबैलाई आग्रह गरेका थिए।

उनले एसीमा बसेका बहिरा सरकारलाई किसानको समस्याबारे केही थाहा नरहेको र यिनीले आफूहरूको आन्दोलन भाँड्न लागिपरेकोले किसान विरोधी सरकारसँग आफ्नो अधिकारका लागि तयार रहन सहभागीहरुलाई आग्रहसमेत गरेका हुन ।

उपाध्यक्ष अब्दुल खानले यो सरकारले किसानको समस्या समाधान नगरे सत्तामा बसेकाहरुलाई जनकारवाही गर्न सहभागीसँग अपिल गरे ।

उक्त कोणसभामा जनमत पार्टीको राष्ट्रिय सचिव अनिता साह,केन्द्रिय सदस्य इन्द्रजित यादव,किसान आन्दोलनकारी बालकृष्ण साह,प्रेस जनमत संघका राष्ट्रिय अध्यक्ष बीपी साहले किसानको माग पुरा नभए यो भन्दा कडा आन्दोलन गर्ने चेतावनी समेत दिएका छन ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]