सोम दियाली
सर्लाही,४ माघ । केही दिन यता बढेको चिसोका कारण सर्लाहीको जनजीवन अत्यन्तै प्रभावित भएको छ । चिसोकै कारण मानिसहरुलाई घर बाहिर निस्कन बाध्य भएको छ । चिसोका कारण दैनिक ज्याला मजदुरी गरी खाने वर्ग, साना व्यवसायीहरु मारमा परेका छन् ।
विगतमा चिसो र शितलहरलाई मध्यनजर गर्दै स्थानीय सरकारहरुले ठाउँठाउँमा आगो ताप्ने व्यवस्था गरेको भएपनि यो वर्ष त्यस्तो गरेको देखिँदैन । यस पटक त चोकमा कतै आगो ताप्ने व्यवस्था नहुँदा सर्वसाधारणले यसो हात, खुट्टा तथा जिउ सेकाउन समेत पाएका छैनन् ।
यस वर्ष जाडोमा चोक तथा मानिसको चहलपल बढी हुने स्थानहरुमा आगो ताप्ने व्यवस्था गर्न स्थानीय जनप्रतिनिधिले इन्कार गरेका छन् । स्थानीय सुनिल कुमार साहले भन्नुभयोे, ‘केही दिन यता अत्यधिक जाडो बढेको छ । मानिसहरुलाई अत्यावश्यक कामले बाहिर निस्कन समेत समस्या छ । निस्किएकाहरुले पनि यो चोक चौतारामा बालेकेको आगोमा हात सेकाउन समेत पाएका छैनन् ।’
‘हामीले यसो आगो ताप्ने व्यवस्था गरिदिनु प¥यो भनेर दाउरा माग्दा मेयरसापले सम्भव नै नभएको जवाफ दिनुभयो’, स्थानीय सुनिल कुमार साह भन्नुहुन्छ, ‘सुरुमा मैले डिएफओ सापलाई फोन गरें, चिसो बढ्यो आगो ताप्नका लागि दाउरा उपलब्ध गराई दिनु प¥यो भनेर । उहाँले नगरपालिका वा मेयरले नभनी हुँदैन । त्यहाँबाट सिफारिस लिएर आउनुभयो भने दिन्छौं भन्नुभयो । तर मेयरसापसँग कुरा गर्दा दाउरा सम्भव नै छैन भन्ने जवाफ दिनुभयो मसँग कल रेकर्ड समेत छ आवश्यक परे सुनाउन सक्छु ।’
‘नागरीकलाई जाडोबाट बचाउनु मेयर र स्थानीय सरकारको दायित्व भएको भएपनि मेयरले नै त्यसरी सम्भव छैन भन्नु अत्यन्तै दुःखद हो । धनीमनिलाई त ठिकै होला, तर जोसँग जाडोमा लगाउने एकसरो लुगा समेत छैन उनीहरुलाई गाह्रो भएको छ ।’, उहाँले भन्नुभयो ।
विगतमा पनि चिसो र शितलहरबाट नागरीकलाई बचाउनु भन्दै ठाउँठाउँमा आगो ताप्ने व्यवस्था मिलाईन्थ्यो तर यसपटक किन हो जनप्रतिनिधि नै दाउरा चाहियो आगो ताप्ने व्यवस्था गर्नुप¥योभन्दा पनि सम्भव छैन भन्छन् भने जनताको नजिकको सरकार भनेकै स्थानीय जनप्रतिनिधि हुन् । अब नागरीकले कस्को भर पर्ने र !
धनुषाको लक्ष्मीनिया गाउँपालिकाको अध्यक्ष र उपाध्यक्ष कांग्रेस विजयी
