न्यूजमधेश डेस्क
जनकपुरधाम, ४ माघ ।मधेशका ८ वटा जिल्लालाई मात्रै मधेश प्रदेश घोषणा गरेको भन्दै जनमत पार्टीका राष्ट्रिय उपाध्यक्ष अब्दुल खानले आपत्ति जनाएको छ ।
जनमतका शीर्ष नेताहरुले आठ जिल्लाको मधेशप्रति असन्तुष्टि जनाएका छन् ।
जनमत पार्टीका राष्ट्रिय उपाध्यक्ष अब्दुल खानले मधेशी सहिदहरुले ८ जिल्लाको मधेश प्रदेशका लागि सहादत दिएका थिएनन् ।समग्र मधेश एक प्रदेशको लागि पुर्व झापादेखि पक्षिम कंचनपुरसम्मका जनताले आन्दोलन गरेको थियो ।
यो ८ जिल्लालाई मात्रै मधेश प्रदेश भन्न मिल्दैन र आफूहरुलाई मान्य नरहेको उपाध्यक्ष खानले बताएका छन् ।
झापादेखि कंचनपुरसम्मको जनता जनभावना विपरित ८ जिल्लाको मधेश प्रदेश नामाकरण गर्नु मधेश विद्रोहको भावनाविपरीत रहेको खानले बताएका छन् ।
उनले भनेका छन्, ‘यो अधुरो, अपुरो नाम राखेर मधेशको हत्या मान्य छैन ।’
