सोलिन्द्र चौधरी ,जलेश्वर । महोत्तरीको बर्दिवास नगरपालिका वाड न 2 स्थित रहेको विश्वकर्मा चोकमा सर्पको टोकाइबाट एक व्यक्तिको ज्यान गएको छ।
शनिबार विश्वकर्मा चोकमा चिया पसल संचालन गर्दै आएका बर्दिवास 4 घर रहेको 45 वर्षिय शिवनाथ महतोको मृत्यु भएको छ । महतोले आफ्नै चिया पसलको छाना मर्मत गर्ने क्रममा गौहमन सर्पले टोकेको पहिचान गरिएको छ।
उनलाई उपचारको लागि सर्लाहिको नवलपुरमा स्थित रहेको सर्पदंश उपचार केन्द्रमा लगिएको थिए। केन्द्रमा उपचार सम्भव नभएपछि उनलाई बर्दिवासको शुभस्वस्तिक अस्पतालमा लगिएको थियो । शुभस्वस्तिक अस्पतालमा प्रवेश गर्दा“ डाक्टरले उनको मृत्यु भैसकेको ईलाका प्रहरी कार्यालय बर्दिवासले बताएको छ। मृत शरिरलाई पोस्टमार्टमको लागि जलेश्वर पठाएको प्रहरी नायक उपरीक्षक माधवप्रसाद बुढाथोकीले जानकारी दिए।
