जनकपुरधाम , ९ माघ । सप्तरीको राजविराजमा भौतिक पूर्वाधार तथा यातायात मन्त्री रेणु कुमारी यादव विरुद्ध प्रदर्शन सहित पुतला दहन गरेका छन् ।
जनमत पार्टीका नेता, कार्यकर्ता तथा उनका समर्थहरुले आज (आइतवार) दशन चौक स्थित प्रदर्शन गर्दै मन्त्री यादवको पुतला दहन गरेको हो ।
रेणु यादवलाई बर्खास्त गर, जनमत पार्टी जिन्दावाद, सिके राउत जिन्दावाद, रेणु यादव मधेश छोर, किसान आन्दोलन जिन्दावाद, किसानको माग पुरा गरलगायतका नाराहरुलगाउदै प्रदर्शन गरेको थियो ।
जसपाकी केन्द्रीय कार्यकारिणी सदस्य समेत रहेकी मन्त्री रेणु कुमारी यादवले गत माघ ५ गते १५ औं बलिदानी दिवसको अवसरमा सम्बोधन गर्दै गौर नरसंहार दाेहरीन सक्ने जस्ता तर्क दिएपछि उनको बर्खास्तकोलागि चारैतिर माग भइरहेको छ ।
