राजविराज । सप्तरीको राजगढ गाउँपालिकामा विभिन्न पार्टी परित्याग गरि दर्जनौं नेता कार्यकर्ताहरु जनमत पार्टीमा प्रवेश गरेका छन् । सोही गाउँपालिकाका वडा नम्बर ५ मलेकपुर स्थित पार्टी कार्यालयमा आयोजना गरिएको एक कार्यक्रम बीच उक्त संख्यामा नेता कार्यकर्ताहरुले डा. सिके राउत नेतृत्वको जनमतमा प्रवेश गरेको हो ।
कृष्णा मण्डल, लाल सदा, दिपेन्द्र सदा, मोहित सदा, संतोष साह, मिथिलेस रजक, शालिग्राम रजक, दिपेन्द्र दास, जोगेन्द्र दासलगायतका व्यक्तिहरुले जनमत पार्टीमा प्रवेश गरेका छन् । पार्टीका केन्द्रिय सदस्य सुरेन्द्र मधेशी, समाज कल्याण जनमत संघ सप्तरीका संयोजक सञ्जय यादव, पार्टीका गाउँपालिका अध्यक्ष शुभनारायण यादव (मालाकार) लगायतको उपस्थित रहेको थियो । उनीहरुले नवप्रवेशीलाई अविर, माला लगाएर स्वागत समेत गरे ।
