न्यूजमधेश डेस्क
जनकपुरधाम,१५ फागुन।बैदेशिक रोजगारीको क्रममा दुबईमा निधन भएका जिल्ला धनुषा सबैला नगरपालिका वडा नम्बर १२ का योगेन्द्र भेडिहरको लास व्यवस्थापनसहित परिवारलाई आर्थिक सहयोग पनि जनमत पार्टीले गरेको छ ।
कर्मचारी जनमत संघका राष्ट्रिय नेता एवं समाजसेवी विनोद पालको अध्यक्षतामा जनमत पार्टीकी सचिव अनिता साह , गैर आवासीय मधेशी संघका कोषाध्यक्ष सन्त साह र प्रेस जनमत संघका राष्ट्रिय अध्यक्ष बीपी साहलगायतको उपस्थितिमा शनिबार पीडित परिवारलाई लास व्यवस्थापनपछि बाँकी रहेको एक लाख ९० हजार २ सय ५० रुपैंया हस्तान्त्ररण गरिएको छ । पीडित परिवारलाई थप सहयोग गर्ने बाँचा पनि जनमत पार्टी रघुनाथपुर परिवारले गरेको छ ।
उक्त अभियानमा सहयोग गर्ने गैर आवासीय मधेशी संघ (एनआरएमए) दुबई शाखा र अन्य विभिन्न सहयोगीहरुलाई जनमत पार्टीले धन्यवाद दिएको छ।
