न्यूजमधेश डेस्क
जनकपुरधाम ,१५ फागुन।मधेश प्रदेशका सर्लाही जिल्लामा मोटरसाइकल दुर्घटना हुँदा चालकको मृत्यु भएको छ ।
बरहथवाबाट कौडेनातर्फ जाँदै गरेको प्र.२-०३-०१९प ३६०५ नम्बरको मोटरसाइकल आफैं अनियन्त्रित भई धनकौल गाउँपालिका-२ मधुवनी नयाँरोड सडकखण्डस्थित लँगडा पुलमा खसेको प्रहरीले जनाएको छ ।
दुर्घटनामा मोटरसाइकल चालक कौडेना गाउँपालिका-३ बस्ने ३५ वर्षका मनोज चौधरीको मृत्यु भएको प्रहरीले जनाएको छ ।
टाउको र शरीरमा गम्भीर चोट लागी घाइते भएका उनलाई उपचारको लागि बरहथवा पठाइएकोमा उपचारकै क्रममा मृत्यु भएको प्रहरी निरीक्षक जटाशंकर यादवले जानकारी दिए ।
दुर्घटनामा मोटरसाइकलको पछाडि सवार कोडैना ५ बस्ने १८ वर्षका दिपेश मुखिया घाइते भएका छन् । उनको बरहथबामा उपचार भइरहेको प्रहरीले जनाएको छ ।
