न्यूजमधेश डेस्क
काठमाडौं ,१६ फागुन।शिक्षिकालाई जबरजस्ती करणी गरेको आरोपमा पूर्वमन्त्री तथा प्रतिनिधिसभा सदस्य मोहन बानियाँ पक्राउ परेका छन् । काठमाडौं जाँदै गरेका सांसद बानियाँ नेपालगञ्ज एयरपोर्टबाट पक्राउ परेका हुन् ।
उनीविरुद्ध जुम्लाकी एक शिक्षिकाले माघ २७ गते जिल्ला प्रहरी कार्यालयमा जाहेरी दिएकी थिइन् । त्यसपछि सांसद बानियाँ फरार थिए । प्रहरीले उनको खोजी गरिरहेको जनाएको थियो ।
जिल्ला प्रहरी कार्यालय बाँकेका डीएसपी मधुसुदन न्यौपानेले बानियाँलाई नेपालगञ्ज विमानस्थलबाट पक्राउ गरीएको पुष्टि गरेका छन् ।
