०९ बैशाख २०८१, आइतबार
21-04-2024 , Sun
×

धानुक सेवा समाजद्वारा बाढिपिडितलाई राहत

Logo
प्रकाशित मंगलबार, साउन ०७, २०७६

अमर पासवान , सिरहा। सिरहा नगरपालिका वाड न ६ र १२ का बाढिपिडितलाई लक्षित गरेर नेपाली धानुक सेवा समाज दोहा कतारले राहत वितरण गरेका छन् । सिनपा वडा नं.६ का ७ र १२ का २८ घरपरिवारलाई राहत वितरण गरेका हुन् । १० किलो चामल, १ किलो दाल, ५ सय ग्राम तेल, १ किलो नमक, सुत्नका लागि म्याट्रेस १ थान, सलाई १ पीका दरले प्रत्येक परिवारलाई वितरण गरिएको समाजका अध्यक्ष जयराम मण्डलले बताए । ‘सबै सामग्रीलाई प्याकेज बनाएर वितरण गरेका छौं,’उनले भने । बढिबाट कुनै वर्ग पिडित भएको छ भने सबैभन्दा बडि पिडामा महिलाहरु रहेको समाजसेवी शोभा मण्डलले बताए । महिला लक्षित राहत विरतरण कार्यलाई प्राथमिकता दिन उनले सरोकारवालाहरुसँग आग्रह गरिन । ‘बाढि जस्तो विपद्को यो घडीमा नेपालको विभिन्न जिल्लामा स्थलगत निरिक्षण गरिरहेका छौं,’ समाजका अध्यक्षले भने,‘निरिक्षणबाट आएको अर्थात तथ्यांकलाई केलाएर सबैभन्दा बढि जोखिममा रहेका ठाउँका बासिन्दालाई केन्द्रित गरेर राहत प्याकेज वितरण प्रक्रिया अगाडि बढाउने गरेको छु ।’ नेपाली युवाहरुको अथक प्रयास र परिश्रमबाट चल्दै आएको यो संस्थाले आफ्नो क्षमता अनुसार राहत वितरण गर्नुका साथै राहत वितरण तथा अन्य बन्दोवस्तीका लागि अरु गैरसरकारी संस्थाहरुसँग सहकार्य पनि थालेको उनले थपे । राहत विरण कार्यक्रममा डोमी मण्डल, लक्ष्मी मण्ड, जगतलाल मण्डल, ज्ञानेन्द्र मण्डल, कासिन्द्र मण्डल, राजेन्द्र मण्डल लगायत स्थानीय युवा, बुद्धिजीवी र पत्रकार लगायत सरोकारवालाहरुको उपस्थिति रहेको थियो । गएको केही हप्ता अघि अविरल वर्षासँगै आएको बाढिले जिल्लाको विभिन्न स्थानसँगै सिरहा नगरपालिका ६ र १२ नं.वडामा विषेश क्षति पु¥याएको थियो ।

कमेन्ट गर्नुहोस्
सम्बन्धित

जनकपुरधाम । मधेश प्रदेशका भूमि व्यवस्था, कृषि तथा सहकारी मन्त्री गोविन्दबहादुर न्यौपानेले मधेशमा रहेका मुक्त हरवाचरवाहरूलाई उद्यमशील बनाउने नीति तथा कार्यक्रम आवश्यक रहेका बताउनुभएको छ । राष्ट्रिय हरवाचरवा अधिकार मञ्चको तेस्रो राष्ट्रिय सम्मेलनको शुक्रबार जनकपुरधाममा उद्घाटन गर्नुहुँदै मन्त्री न्यौपानेले हरवाचरवाको आवश्यकता पहिचान गरी दीर्घकालीन समस्या समाधान हुने गरी उद्यमशीलतामा जोड दिनुपर्ने बताउनुभयो । “तपाईहरूले मुक्त […]

जनकपुरधाम । नेपाल विद्यार्थी संघले विद्यालय शिक्षाको गुणस्तर अभिवृद्धिको माग गर्दै धनुषासहित देशभरका स्थानीय तहमा ज्ञापन पत्र बुझाएको छ । आफ्नो ५५ औँ स्थापना दिवसमा नेविसंघले नेपालको आधारभूत र माध्यमिक तहसम्मको शिक्षाको गुणस्तर अभिवृद्धिको माग र सुधारका सुझाव सहितको ज्ञापन पत्र देशभरका स्थानीय तहमा बुझाएको हो । सो क्रममा धनुषाको कमला नगरपालिकामा नेविसंघका केन्द्रीय सदस्य […]

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]