न्यूजमधेश डेस्क
जनकपुरधाम,३० फागुन। । नेपाल इन्जिनियर्स एशोसिएशनको जनकपुरधाममा जारी मतगणनामा निर्वाचन समितिले धाँधली गर्न खोजेको आरोप लागेको छ ।
एशोसिएशनको मधेश प्रदेश अध्यक्ष पदका लागि उम्मेदबारी दिएका इन्जिनियर गौरी पण्डितले धाँधली गर्न खोजेको आरोप लगाएका छन् । उनले बाकसबाट झिकेर राखिएको मतपत्र गिन्ती हेराफेरी गर्न खोजेको बताए ।
गैर राजनीतिक इन्जिनियर संगठन नेशनल इन्जिनियर्स एशोसिएसन नेपालबाट प्रदेश अध्यक्ष पदमा उम्मेदबारी दिएका उनले प्रदेशको हरेक पदमा आफूहरुले अग्रता लिएपछि धाँधली गरेर सत्ता पक्षलाई जिताउन खोजेको बताए ।
पण्डितले शुक्रबार रातिदेखि मतगणना भइरहेपनि १ हजार मतपत्र गन्न नसकिएको बताए । गैर राजनाीतिक संगठनले अग्रता लिएपछि सत्तारुढ गठबन्धनलाई जिताउन बेइमानी गर्न खोजेको उनको आरोप छ ।
निर्वाचन समितिका संजय कुमार यादवले मतगणना भइरहेको स्थलामा होहल्ला अत्यधिक भइरहेकाले गणनामा समस्या भइरहेको प्रतिकृया दिए ।
