न्यूजमधेश डेस्क
काठमाडौं,६ चैत्र । गत अगस्टमा अफगानिस्तान तालिवानको हातमा पर्नुभन्दा ठिक अघिल्लो दिन, अफगान राष्ट्रपति असरफ घानीलाई संयुक्त अरब इमिरेट्समा स्वागत गरिएको थियो । उनलाई आफ्नो देशको कोषबाट १६ करोड ९० लाख डलर लिएको आरोप लागेको थियो ।
त्यसको छ महिना पछि, घानीको शासनकालमा अर्थमन्त्री भएका खालिद पेएन्डा, वासिंटन डिसीमा उबर चलाइरहेका छन् ।
‘यदि मैले अर्को दुई दिनमा ५० वटा यात्राहरू पूरा गरें भने, मैले ९५ डलर बोनस पाउँछु,’ पेएन्डालाई उधृत गर्दै वाशिंगटन पोस्टले लेखेको छ । ४० वर्षीय उनले एकपटक अमेरिकी समर्थनमा ६ अर्ब डलरको बजेटको निरीक्षण गरेका थिए । उनले एक रातमा धेरै कमाई गरेको दिन १५० डलरसम्म कमाउँछन् ।
उनले आफ्नो परिवारलाई सहयोग गर्न सक्षम भएकोमा कृतज्ञ व्यक्ति गर्छन, ‘अहिले, मसँग कुनै ठाउँ छैन । म यहाँको हैन र म त्यहाँ पनि छैन । यो एकदमै खाली भावना हो ।’
तालिबानले सत्ता कब्जा गरेर अमेरिका समर्थित शासन प्रतिस्थापित गरेपछि अफगानिस्तानले मानवीय र आर्थिक संकटको सामना गरिरहेको छ, त्यहाँका नेताहरुको सम्पत्ति रोक्का गरिएको छ र अन्तर्राष्ट्रिय सहायता कटौती गरिएको छ । जसका कारण आधारभूत आवश्यकता पनि पुरा गर्न नसक्ने स्थिति अफगानिस्तानको छ ।
