०४ आषाढ २०८१, सोमबार
17-06-2024 , Mon
×

महन्थ ठाकुर भन्छन् – माग सम्बोधन भए मात्र सरकारमा सहभागी हुन्छौं !

Logo
प्रकाशित मंगलबार, चैत्र ०८, २०७८

न्यूजमधेश डेस्क
जनकपुरधाम ,८ चैत्र।लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले सरकारमा सहभागी हुनेबारे प्रधानमन्त्री शेरबहादुर देउवासँग छलफल भइरहेको बताएका छन्। मंगलबार जनकपुरमा आयोजित पार्टीको प्रदेशस्तरीय प्रशिक्षण कार्यक्रममा ठाकुरले यस्तो बताएका हुन्।

‘प्रधानमन्त्रीले सरकारमा सहभागी हुन हामीलाई आग्रह गर्नुभएको छ। त्यहीअनुसार पार्टीभित्र छलफल चलिरहेको छ,’ ठाकुरले भने। सरकारमा सहभागिताका लागि आफूहरूले उठाउँदै आएका मागहरू सम्बोधन हुनुपर्ने प्रधानमन्त्री देउवालाई बताएको उनले उल्लेख गरे।

‘नागरिकताको समस्या समाधान हुनसकेको छैन। आन्दोलनका क्रममा हाम्रा कार्यकर्तामाथि लगाइएको मुद्दा फिर्ता भएको छैन,’ ठाकुरले भने, ‘यी मुद्दाहरू सम्बोधन भए सरकारमा सहभागी हुनेबारे विचार गर्न सकिन्छ प्रधानमन्त्रीलाई भनेका छौं।’

ठाकुरले स्थानीय तह निर्वाचनमा कुनै पनि दलसँग गठबन्धन गर्न लोसपा खुला रहेको बताए।

प्रधानमन्त्री शेरबहादुर देउवा लोसपालाई सरकारमा सहभागी गराउन प्रयासरत छन्। यसबीचमा देउवा र लोसपा अध्यक्ष ठाकुरसहितका नेताहरूबीच भेटवार्ता पनि बाक्लिएको छ।

लोसपाको मागअनुसार नागरिकता विधेयकमा सहमति जुटाउन तीन सदस्यीय कार्यदलसमेत गठन भएको छ। कार्यदलमा सरकारका प्रवक्तासमेत रहेका सञ्चारमन्त्री ज्ञानेन्द्रबहादुर कार्की, लोसपा नेता लक्ष्मणलाल कर्ण र सवेन्द्रनाथ शुक्ल छन्।

कमेन्ट गर्नुहोस्
सम्बन्धित

जनकपुरधाम । धनुषाको मिथिला नगरपालिका २ बेलाचापीमा रहेको सतलोक आश्रममा सन्त रामपालजी महाराजको सान्निध्यामा परमेश्वर कबीर साहेबको ६२७ औं प्रकट दिवसको भव्य तयारी भईरहेको छ । परमेश्वर कबीर साहेबको ६२७ बर्ष पहिले जेष्ठ पुर्णिमाका दिन कासी बनारस सहरको लहरतारा नामक तालमा कमलको फुलमा प्राकाट्य भएको मानिन्छ। सोही अवसरमा प्रत्येक वर्षझै यस वर्ष पनि आश्रममा प्रकट […]

जनकपुरधाम । मधेस प्रदेशका मुख्यमन्त्री सतिशकुमार सिंहले मधेस प्रदेशका आठवटै जिल्लामा कृषि विद्युतीकरणको काम अगाडि बढाउन छलफल सुरु गर्नुभएको छ । उहाँले आज नेपाल विद्युत् प्राधिकरणका मधेस प्रदेश प्रमुख मोनिन्द्र ठाकुरलगायतसँग यस विषयमा छलफल गर्नुभएको हो । किसानलाई सिँचाइको सुविधा सहज बनाउन खेतमा विद्युत् पु¥याउने लक्ष्यअनुरुप मुख्यमन्त्री सिंहले छलफल अगाडि बढाउनुभएको उहाँको निजी सचिवालयले जनाएको […]

जनकपुरधाम । मधेश सरकारले आगामी आर्थिक वर्षदेखि किसान कार्ड वितरण र किसानलाई पेन्सन दिने भएको छ । आगामी आर्थिक वर्ष २०८१/०८२ को बजेट शनिबार प्रदेशसभामा प्रस्तुत गर्दै अर्थमन्त्री भरत प्रसाद साहले किसान कार्ड र पेन्सनका लागि बजेट विनियोजन गरेको बताए । उनले कृषि विद्युतिकरण विस्तार र कृषि विल निःशुल्क गर्ने घोषणा पनि गरे । उनले […]