न्यूजमधेश डेस्क
जनकपुरधाम,१३ चैत्र। धनुषाको जिल्लाको विदेह नगरपालिकास्थित तिनकौरीया चोकमा रहेको किराना पसलमा आगजानीबाट लाखौंको क्षती भएको छ।
गएराती साढे ११ बजे सन्तोष कुमार मण्डलले सञ्चालन गरेको शान्ता पान पैलेसमा अज्ञात समुहले आगजनी गरेको स्थानीयहरुले बताउछन् ।
आगोबाट सम्पूर्ण पसल नै जलेर नष्ट भएको छ । पसल भित्र रहेको किराना, कपडा लगायतको सरसमान जलेर १० लाख बढीको क्षति भएको संचालक संतोष कुमार मण्डलले बताए ।
त्यहाँबाट करिब ५० मिटरकै दुरीमा प्रहरीचोकी तिनकौरिया रहेको छ । प्रहरी बजारमा डिउटी नबस्दा कसैले आगो लगाइदिएको हुन सक्ने स्थानीयको भनाइ छ । सो पसल तिनकौरिया चोकमा २० वर्षदेखि संचालनमा रहेको थियो ।
यता तिनकौरिया प्रहरी चोकीका सई आशनारायण गिरीले २४ घण्टा चोकमा प्रहरीको डिउटी हुने गरेको दावी गरेका छन् ।
उनले घटना विषयमा थप अनुसन्धान गरिरहेको बताएका छन् ।
