न्यूजमधेश डेस्क
जनकपुरधाम ,२३ चैत्र ।विदेशमा रहेका मधेशीहरुको साथि गैर आवासीय मधेशी संघका अन्तराष्ट्रिय अध्यक्ष ई.शम्भु नारायण साहलाई मातृ शोक परेको छ ।
चैत्र २२ गतेको राति ११ बजे अध्यक्ष ई.साहकी ६ वर्षीया आमा समुन्द्री देवी साहको काठमाडौंस्थित शहिद गङ्गालाल राष्ट्रिय हृदय रोग केन्द्र नेपालमा उपचारको क्रममा मृत्यु भएको हो ।
स्व. समुन्द्री देवी साहको चैत्र २३ गते अपरान्ह धनुषाको नगराइन नगरपालिका ५ गौन्गलीस्थित आफ्नै गाउँ नजिकै दाहासंस्कार गरिएको परिवारिक स्रोतले जनाएको छ ।
समुन्द्री देवीकी ३ छोरा र एक छोरी गरि रहेको छ ।अध्यक्ष ई .शम्भु नारायण साह माइलो छोरा हुन् । अध्यक्ष ई. साह जनमत पार्टीका केन्द्रीय सदस्यसमेत रहेको छ ।
समुन्द्रीदेवी साहको दाहासंस्कारमा जनमत पार्टीका केन्द्रीय उपाध्यक्ष ई दिपक कुमार साह ,महासचिव चन्दन सिंह ,सचिव अनिता साह ,पार्टीका धनुषा जिल्ला अध्यक्ष ओम बिक्रम कुशवाहालगाइतका नेता कार्यकर्ताहरुको श्रद्धाञ्जली अर्पण गरि दाहासंस्कार गरिएको हो ।
