न्यूजमधेश डेस्क
जनकपुरधाम ,२४ चैत्र । हत्या गरेको आरोपमा एकजनालाई धनुषा प्रहरीले नियन्त्रणमा लिएको छ। हंसपुर नगरपालिका ७ का १८ वर्षीय विजय महराको हत्या आरोपमा सोही वडा नौवाखोरका २० वर्षीय मनोज महरा पक्राउ परेका हुन् ।
मंगलबार राति विजयको शव गहुँ खेतबाट बरामद गरिएको थियो । उनको शरीरमा गोली लागेको र चक्कु प्रहार भएको देखेपछि प्रहरीले अनुसन्धान तीव्र पारेको थियो ।
शव भेटिएको ठाउँबाट प्रहरीले चस्मा र सर्ट बरामद गरेको छ । घटनामा संलग्न अन्य दुई जना फरार छन् ।
घटनामा सोही ठाउँका १९ वर्षीय पंकज मण्डल र २२ वर्षीय जितु मण्डलको पनि संलग्नता रहेको देखिएको प्रहरीको दाबी छ ।
