न्यूजमधेश डेस्क
जनकपुरधाम,१२ बैशाख । धनुषाको कमला नगरपालिकाको मेयर पदको लागि नेपाली काँग्रेस पार्टीबाट विशेश्वर यादवले मनोनयन दर्ता गराएका छ्न। ।
सोमबार कमला नगरपालिकाको कार्यालयस्थित रहेको निर्वाचन अधिकृत कार्यालयमा दिउँसो ३ः३० बजे पुगेर उनले काँग्रेसको तर्फबाट उम्मेदवारी दर्ता गराएका हुन् ।
बलियो सँगठन र कसिलो पक्कड भएको विशेश्वर यादव मेयरको चुनावको लागि बलिया उम्मेदवार मानिन्छन् । यसअघि राम उदगार गोईतले पनि काँग्रेसबाट जसपाका उम्मेदवार पशुपति यादवलाई भारी मतान्तरले पराजीत गरेको थियो ।
यसापाली प्रथम पटक कमला नगरपालिकामा स्थानीय चुनावमा भाग लिएको जनमत पार्टीबाट दिपेन्द्र तेथवारले दिएका हुन।जनमतको सँगठन पनि कमला नगरपालिकामा कुनै पार्टी भन्दा कम देखिएको छ।
उपमेयरको लागि निवर्तमान उपमेयर शिला देवी मण्डल नेपाली काँग्रेसबाट उम्मेदवारी दिएकी हुन् । जनमतबाट रेखा देवी मण्डलले उपमेयरमा उम्मेदवारी दिएकी हुन् ।
