मनोज मोरबैता
जनकपुरधाम,१४ बैशाख ।३० बैशाखमा हुन लागेको स्थानीय तहको निर्वाचनका लागि ११ र १२ बैशाखमा उम्मेदवारी दर्ता कार्यक्रम सम्पन्न भएको छ।कमला नगरपालिकाको मेयरका लागि २१ जना र उपमेयरका लागि ८ जनाले मनोनयन दर्ता गराएका छ्न।
कमलाको मेयरमा विभिन्न राजनीति दलका ८ जना र स्वतन्त्रबाट १३ जनाले मनोनयन दर्ता गराएको निर्वाचन अधिकृत कार्यलय माची झिटकैयाले जनाएको छ।उपमेयरमा विभिन्न दलका ८ जनाले उम्मेदवारी दिएको छ।
मेयर र उपमेयरमा कुन पार्टीबाट क-कसले दिए उम्मेदवारी ?
डा .सीके राउत नेतृत्वको जनमत पार्टीबाट दिपेन्द्र कुमार तेथवार यादव,उपमेयरमा रेखा कुमारी मण्डल ,नेकपा एमालेबाट दिपेन्द्र कुमार यादव र उपमेयरमा रिता देवी मण्डल ,नेपाली कांग्रेसबाट मेयरमा विशेश्वर यादव र उपमेयरमा शिला देवी मण्डल ,जसपाबाट मेयरमा पशुपति यादव र उपमेयरमा पुनिता कुमारी ,लोसपाबाट मेयरमा बिरेन्द्र प्रसाद यादव र उपमेयरमा निलम कुमारी यादव,नेकपा एसबाट कुलदेव मोरबैता र उपमेयरमा सरस्वती सिंहा कुशवाहा ,राष्ट्रिय प्रजातन्त्रबाट मेयरमा राम नारायण मण्डल र उपमेयर बौवाबती देवी मण्डल ,माओवादी केन्द्रबाट बलराम बिराजी यादव र उपमेयरमा निलम कुमारी यादवले मनोनयन दर्ता गराएकी हुन।
त्यसैगरी स्वतन्त्रतर्फबाट मेयरको लागि रुपेश कुमार रान,उपेन्द्र यादव,कृष्ण देव यादव,जुगती रान यादव,दिलिप कुमार यादव,मुकेश कुमार महतो,रबिन कुमार मोरबैता,शिव नन्दन यादव,शिव शंकर यादव,श्यामलाल महतो कोइरी,संजिव कुमार यादव,सरोज कुमार यादव हिदृय कुमार यादवले मनोनयन दर्ता गराएको हो।
