०७ आषाढ २०८१, शुक्रबार
21-06-2024 , Fri
×

जसपाको उम्मेदवार : एकै नगरपालिकामा पती प्रमुखमा, पत्नी उपप्रमुखमा

Logo
प्रकाशित बुधबार, बैशाख १४, २०७९

न्यूजमधेश डेस्क
काठमाडौं,१४ बैशाख । स्थानीय तह निर्वाचनअन्तर्गत नेताहरुले आफ्ना नातागोतालाई टिकट दिएको समाचार आइरहँदा संखुवासभामा एकै घरबाट दुईजना प्रमुख र उपप्रमुखमा उठेका छन्।

उपेन्द्र यादव नेतृत्वको जनता समाजवादी पार्टीको तर्फबाट संखुवासभाको खाँदबारी नगरपालिकाको प्रमुख र उप प्रमुख पदमा उम्मेदवारी दिएका छन्।

लामो समय शिक्षण पेशामा आवद्ध रहेर अवकाश पाएका सीताराम तिम्सिना र पत्नी मैयादेवी तिम्सिनाले नगरको प्रमुख र उपप्रमुखमा मनोनयन गराएका हुन्।

उनीहरुले यसअघि नेकपा एमाले, नेकपा माओवादी केन्द्र र नेपाल कम्युनिस्ट पार्टी (नेकपा) मा पनि आवद्ध भएर सक्रिय राजनीति गरेका थिए।

उनीहरुको घर पहिले खाँदबारीकै ढुंगेधारा हो। अहिले उनीहरू खाँदबारी बजारकै घिमिरे गाउँ जाने टोलमा बस्छन्।

सीतारामलाई जनयुद्धका बेला संकटकालमा माओवादी आरोपमा नेपाली सेनाले यातना दिएको थियो।

खाँदबारीमा जसपाबाट सीतारामसँगै मुख्य दल र स्वतन्त्र गरी ९ जनाले प्रमुख पदका लागि उम्मेदवारी दिएका छन्।

मुख्य निर्वाचन अधिकृत शान्ति प्रसाद आचार्यका अनुसार खाँदबारी नगरपालिका प्रमुखमा पाँच दलीय गठबन्धनबाट नेपाली कांग्रेसका महेश थपलिया, उपप्रमुखमा नेकपा माओवादी केन्द्रका दिब्यराज बरालले मनोनयन गराएका छन्।

नगर प्रमुखमा नेकपा एमालेबाट जीतबहादुर घिमिरे र उपप्रमुखमा महेश्वरा श्रेष्ठले मनोनयन गराएका छन्।

राष्ट्रिय जनमुक्ति पार्टीका भरत राई, राष्ट्रिय जनमोर्चाका हेमकुमार गुरुङ, राष्ट्रिय प्रजातन्त्र पार्टीका सोमनाथ खनाल र स्वतन्त्रबाट प्रविन कार्की, सुदिप गुरुङ र खड्ग बहादुर दमाईले नगर प्रमुखमा उम्मेदवारी दिएका छन्।

उपप्रमुखमा राष्ट्रिय प्रजातन्त्र पार्टीकी हिरादेवी श्रेष्ठ र जनता समाजवादी पार्टीबाट मैया तिम्सिनाले उम्मेदवारी दर्ता गराएका छन्।

परिवारवादकै प्रशंगमा काठमाडौंको प्रमुखमा कांग्रेस नेता प्रकाशमान सिंहले पत्नी सिर्जना सिंहलाई उठाएका छन्। अर्कातिर विराटनगरको उपप्रमुखमा जसपा अध्यक्ष उपेन्द्र यादवले छोरा अमरेन्द्र यादवलाई टिकट दिएका छन्।

कमेन्ट गर्नुहोस्
सम्बन्धित

जनकपुरधाम । धनुषा र सिरहालाई जोड्ने कमला पुल यस वर्ष पनि नबन्ने भएको छ । निर्माण सम्पन्न भएर उद्घाटन हुनुअगावै भासिएको उक्त पुल तीन वर्ष बितिसक्दा पनि निर्माण हुनसकेको छैन । गत चैत १८ गते पुलको निरीक्षण गर्दै भौतिक पूर्वाधार तथा यातायातमन्त्री रघुवीर महासेठले ठेकेदारलाई असार १५ गतेसम्म पुल निर्माण सम्पन्न गर्न निर्देशन दिनुभएको थियो […]

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]