जनकपुरधाम।धनुषाको पुर्वी क्षेत्रमा रहेको कमला नगरपालिका वाड नं.१ मंगराहामा बुवा र छोराको शुक्रबार करेन्ट लागेर मृत्यु भएको छ।
स्थानीय ४५ वर्षीय जोगेन्द्र मण्डल र उनका २२ वर्षीय छोरा धर्मेन्द्र मण्डल खेतमा काम गर्न गएका बेला करेन्ट लागेर ज्यान गएको इलाका प्रहरी कार्यालय यदुकुहाले जनाएको छ ।
करेन्ट लागेर घाइते भएको अवस्थामा उपचारका लागि यदुकुहा हेल्थ केयरमा लगेपनि त्यहाँ उपचार संभव नभएपछि उनिहरुलाई थप उपचारका लागि जनकपुरको जानकी हेल्थकेयरमा लग्दा मृत्यु भएको स्थानीय संतोष शर्माले बताएको छ।
बुवा र छोराको जनकपुर अञ्चल अस्पतालमा पोष्टमार्टम गरिएको जिल्ला प्रहरी कार्यलय धनुषाले जनाएको छ ।
