गोविन्द ठाकुर, जनकपुरधाम। धनुषाको बिदेह नगरपालिकामा सशस्त्र प्रहरीको गाडीले ठक्कर दिदा एक बालक गम्भिर घाईते भएका छन । घाईते हुनेमा बिदेह नगरपालिका वडा नं. ६ एकराही बस्ने नन्दकिशोर मंडलका ११ वर्षीय छोरा प्रशान्त कुमार मंडल रहेको बताइएको छ ।
मदिरा सेवन गरि तिव्र गतिमा चलाउंदै गरेको ज ९ प २८७३ नंं. मोटरसाईकल अनियन्त्रित भई उक्त दुर्घटना भएको हो ।
सशस्त्र प्रहरी बल महिनाथपुरमा कार्यरत प्रहरी जवान रामकृष्ण तमाङले मदिरा सेवन गरि तिव्र गतिमा चलाउंदै गरेको मोटरसाइकल बिदेह नगरपालिकाको तिनकौरिया चौकमा बालकलाई शनिबार दिउंसो ४ बजे ठक्कर दिएको प्रहरीले जनाएको छ ।
घाइते मंडलको जनकपुर अंचल अस्पतालमा उपचार सम्भव नभएपछि थप उपचारका लागि बिराटनगर न्युरो हस्पिटल रेफर गरिएको जनकपुर अंचल अस्पतालले जनाएको छ ।
मदिरा सेवा गरि बालकलाई ठक्कर दिने प्रहरी जवान तमाङ समेत घाईते भएका छन । उनको जनकपुर अंचल अस्पतालमा उपचार भईरहेको छ ।
यता घटनाको विरोधमा स्थानीयहरुले प्रर्दशन समेत गरेका छन ।
