०७ आषाढ २०८१, शुक्रबार
21-06-2024 , Fri
×

सिरहाको लक्ष्मिपुर पत्तारीमा खसेको भन्दा बढी मत भेटिएपछि अवस्था तनाव

Logo
प्रकाशित मंगलबार, जेठ ०३, २०७९

न्यूजमधेश डेस्क
सिरहा,३ जेष्ठ ।खसेकोभन्दा बढी मत भेटिएपछि सिरहाको लक्ष्मीपुरपत्तारी गाउँपालिकामा तनाव भएको छ। यस गाउँपलिकाको वडा नम्बर ४ मा कुल सदरमतभन्दा मत पेटिकामा ८२३ बढी मत भेटिएपछि नेपाली कांग्रेस इत्तरका उम्मेदवार र समर्थकहरु विरोधमा उत्रेका छन्।

यस गाउँपालिकाको निर्वाचन अधिकृत देवी सुवेदीकाअनुसार ३२१५ कुल मतदाता रहेको यस वडामा २३९२ मत खसेको थियो। तर मतगणना गर्दै जाँदा ३१६३ सदर मत र ५२ बदर मत भेटिएको सुवेदीले बताए। खसेको भन्दा बढी मत मतपेटिकामा भेटिएपछि अवस्था तनावग्रत बनेको उनले बताए। उनले भने, ‘केही मतदातालाई मत पत्र दोर्‍याएर दिइएको हो कि, दोहोरो दर्ता भएको हो छानविन हुँदै छ। राती निदाएको बेला मत पत्रको डब्बल इन्ट्री भएको हुनसक्छ, उनले भने।’

प्रमुख जिल्ला अधिकारी लालबाबु कवाडीले भने, ‘सदर भन्दा बढी मत भेटिएको भन्ने कुरा आएको छ। छानविन गरेर दोषी देखिएकामाथि कारवाही हुन्छ। उनले भने,‘अहिले मतगणनास्थल लक्ष्मीपुरपत्तारीमा ढुंगामुढा भैरहेको छ। केही प्रहरीकर्मी घाइते भएका छन् उनले भने,‘हामी संयमित भएर घटना नियन्त्रणमा लिने प्रयास गर्दैछौं।’

यस गाउँपालिकामा ०७४ को स्थानीय तह निर्वाचनमा संघीय समाजवादी फोरमका रामबल्लब साह अध्यक्षमा निर्वाचित भएका थिए। यसपाली जनता समाजवादी पार्टीबाट केदारनाथ यादव र नेपाली कांग्रेसबाट चतुरानन्द ठाकुर यस गाउँपालिकाको अध्यक्षमा प्रतिस्पर्धा गर्दै छन्। प्राप्त मतगणनाअनुसार ठाकुरले १०९८ र यादवले ३६५ मत प्राप्त गरेका छन्।

जसपाका नेता राजकुमार गुप्ताकाअनुसार यस गाउँपालिकाको प्रायःसबै वडामा मत कब्जा गरिएको छ। वडा नम्बर ४ मा असलियत छताछुल्ल भएको छ।

कमेन्ट गर्नुहोस्
सम्बन्धित

जनकपुरधाम । धनुषा र सिरहालाई जोड्ने कमला पुल यस वर्ष पनि नबन्ने भएको छ । निर्माण सम्पन्न भएर उद्घाटन हुनुअगावै भासिएको उक्त पुल तीन वर्ष बितिसक्दा पनि निर्माण हुनसकेको छैन । गत चैत १८ गते पुलको निरीक्षण गर्दै भौतिक पूर्वाधार तथा यातायातमन्त्री रघुवीर महासेठले ठेकेदारलाई असार १५ गतेसम्म पुल निर्माण सम्पन्न गर्न निर्देशन दिनुभएको थियो […]

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]