मनोज मोरबैता
सघारा,५ जेष्ठ ।चुनावी नतिजा सार्वजनिक भएसँगै धनुषाको कमला नगरपालिका ४ सघारामा नेपाली कांग्रेसले विजयी जुलुस निकालिएको छ।
जुलुसमा सहभागीहरुले यो जीत कस्को जनताको, नेपाली काँग्रेस जिन्दावाद लगायतका नारा लगाउँदै विजय जुलुस मनाएको हो ।
कमला नगरपालिकाका नव निर्वाचित मेयर विशेश्वर यादव ,उपमेयर शिला देवी मण्डल ,वडा नम्बर ४ का नव निर्वाचित वडाध्यक्ष दिपक गोहिवार ( पप्पु) र सदस्यहरुलाई फुलमाला अविरले भव्य स्वागत तथा सम्मान गर्दैै काँग्रेसले विजय जुलुस जीतको खुशि छरेको छ ।
नव निर्वाचित वडाध्यक्ष गोहिबारको घरबाट निसकेको जुलुस वडाका विभिन्न टोल हुँदै वडाका परिक्रमा गरेको थियो।
जुलुसमा काँग्रेसको चुनावी गीतहरु घन्काइएको थियो भने महिला केटाकेटी, वृद्धवृद्धा सबैले नाचेर, कम्मर भाँचेर खुशि साटासाट गरेका थिए ।
