जनकपुरधाम। प्रदेश सरकारले गरेको प्रतिबद्धता अनुसार बाढी प्रभावित क्षेत्रमा आईतवारबाट राहत वितरण कार्य शुरु गरेको छ । साउनको पहिलो सत्ता लगातार वर्षाको कारण आएको बाढीबाट सबभन्दा बढी महोत्तरी जिल्ला प्रभावित भएको थियो । मुख्यमन्त्री लालबाबु राउतले महोत्तरी जिल्लाको बाढी प्रभावित क्षेत्रको अनुगमनको क्रममा गरेको प्रतिबद्धता अनुसार आईतवारबाट राहत वितरण कार्य शुरु भएको हो ।
महोत्तरीको मनरा नगरपालिकाको वडा नं. ६ र ७ अन्तर्गत सरपल्लोमा चारबढी बाढी प्रभावितलाई राहत वितरण गरिएको हो । आन्तरिक मामिला तथा कानून राज्यमन्त्री सुरोज सिंह कुशवाहाको विशेष उपस्थितिमा प्रदेश सरकारले आईतबारबाट राहत वितरण कार्य शुरु गरेका हुन । राज्यमन्त्री कुशवाहाले तत्काल बाढी प्रभावित व्यक्तिलाई २५ किलो चावल, ४ किलो दाल, एक थान कृपाल, एउटा मन्छरदानी लगायतका समाग्रीहरु वितरण गर्न लागेको बताएका छन् ।
मन्त्री कुशवाहाले मुख्यमन्त्री राउतले बाढी प्रभावित क्षेत्रमा अनुगमनको क्रममा गरेको प्रतिबद्धता अनुसार आईतवार मनरा गाउँपालिकाको दुईवटा वडामा राहत विरण कार्य शुरु गरेको बताएका छन् । उनले बाढीबाट सबभन्दा बढी प्रभावित महोत्तरी जिल्ला नै रहेको जिकिर गर्दै बाढी प्रभावित व्यक्तिलाई आजबाट राहत वितरण कार्य शुरु गरेको बताएका छन् ।
