०४ साउन २०८१, शनिबार
20-07-2024 , Sat
×

बालेनले काठमाडौंमा जितेर महोत्तरीको शान बढायो : मेयर मण्डल

Logo
प्रकाशित बुधबार, जेठ ११, २०७९

राजकरण महतो
काठमाडौं ,११ जेष्ठ । बालेन्द्र शाहले काठमाडौं महानगरपालिकाको मेयरमा जित सुनिश्चित गरेर पुर्खौली जिल्ला महोत्तरीको शान बढाएको मटिहानीका मेयर हरिप्रसाद मण्डलले बताएका छन्।

धार्मिक, साँस्कृति तथा ऐतिहासिक नगरि मटिहानी नगरपालिकाका नवनिर्वाचित जनप्रतिनिधिहरुलाई सपथग्रहण पछिको सभामा बोल्दै उनले यस्तो बताएका हुन्। काठमाडौंबासी जनताले मधेशी अनुहारलाई रोजेर हिमाल, पहाड, तराईको भावनात्मक सम्बन्ध देशैभरी प्रगाढ बनाएकोमा उनले खुशी व्यक्त गरे।

‘देशको राजधानी काठमाडौं जस्तो ठाउँमा बालेन्द्र शाहले जित सुनिश्चित गरेको छ। धरान र धनगढीमा स्वतन्त्र उम्मेदवारले जितेको छ। जनताले फरक क्षेत्रका उम्मेदवारलाई पनि जिताएका छन्’, मेयर मण्डलले भने, ‘विकासका लागि मतदाताले विश्वास गरेर मत दिएका छन्। राजनीतिक दलका उम्मेदवारलाई प्ररास्त गरेर नेपाली जनताले स्वतन्त्र उम्मेदवारलाई नेपाली राजनीतिमा प्रवेश गराएको छ।’

स्वतन्त्र उम्मेदवारलाई जिताएर नेपाली जनताले राजनीति वृत्तमा ईतिहास रचेको उनले बताए । ‘उनीहरुसँग सोंच होला, विचार होला, त्यो पालिका बनाउने अठोट होला त्यही भएर त्यहाँका आम जनताले उनीहरुलाई भोट दिएर नेपाली ईतिहास बनाउन जनताले ठूलो अभियान चलाएको छ’, उनले भने, ‘त्यो कुरा हामीले बुझ्नुपर्छ। साइकलमा हिड्नेलाई धरानमा जितायो। ’

जनताको ईच्छा, अपेक्षा र विश्वासलाई मनमा राखेर समाज परिवर्तनका लागि जनप्रतिनिधिहरुले काम गर्नु पर्नेमा उनले जोड दिए। ‘हामी सबैले विकासको मुल मन्त्रलाई बुझौं। हामी विभिन्न राजनीतिक दलबाट आएर जितेका हौं। राजनीतिक दल एउटा छाप हुन्छ। जितेपछि हाम्रो कर्तव्य जनताको सेवा गर्नु हो’, मेयर मण्डले भने, ‘हामीले विकासका कामलाई निरन्तर अगाडि बढायौं भने मात्रै जनताको सच्चा सेवक बन्न सक्छौं। जनताको बीचमा कसरी हामी प्रस्तुत हुन्छौं, त्यो नै हाम्रो प्रतिष्ठाको मेरुदण्ड बन्छ। त्यसैले हामी सबै जनप्रतिनिधिको एउटै लक्ष्य र मर्म विकास हुनुपर्छ।’

दलहरुको विकल्पमा स्वतन्त्र उम्मेदवारहरुलाई परिक्षणको रुपमा नेपाली जनताले जिताउने अभियान चलाएको उनले बताए। ‘सारा ठाउँमा नयाँ जनप्रतिनिधि आएको छ, सबै नेपालीले मतदान गरेर जिताएको छ। स्थानीय निकाय नमूना बन्यो भने प्रदेश बन्छ, सबै प्रदेश उत्कृष्ठ बन्यो भने हाम्रो समुन्नत देश बन्छ। यो नै सबैभन्दा ठूलो विकास र परिवर्तनको मन्त्र हो। यो मन्त्र पूरा भएको दिन हामी सबै नेपालीको खुशीको क्षण हुने छ।’

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]