न्यूजमधेश डेस्क
बर्दिया ,११ जेष्ठ ।मोटरसाइकल अनियन्त्रित भई दुर्घटना हुँदा एक जनाको मृत्यु भएको छ। मोटरसाइकल अनियन्त्रित भई दुर्घटना हुँदा बाँसगढी नगरपालिका–२ मदाहाका २५ वर्षीय आशिस चौधरीको बुधबार मृत्यु भएको हो।
मधुवन नगरपालिका–४ मख्खनचोक स्थित हुलाकी सडक खण्डमा ढोढरीदेखि भुरीगाउँतर्फ जाँदै गरेको लु ६२ प ४७३९ नम्बरको मोटरसाइकल अनियन्त्रित भई दिउँसो ३ बजे दुर्घटना भएको प्रहरीले जनाएको छ। मोटरसाइकल अनियन्त्रित भई सडक किनारमा रहेको पिलरमा ठोक्किँदा चौधरी गम्भीर घाइते भएका थिए।
घाइते चौधरीलाई उपचारको लागि भेरी अस्पताल नेपालगंज पुर्याइएको र उपचारको क्रममा ज्यान गएको जिल्ला प्रहरी कार्यालयका डिएसपी प्रकाश सापकोटाले जानकारी दिए।
