न्यूजमधेश डेस्क
सप्तरी ,१२ जेष्ठ । जनमत पार्टीका राष्ट्रिय अध्यक्ष डा सीके राउतले सप्तरीको बलान बिहुल गाउँपालिकाको विद्यालयदेखि कटान क्षेत्रको स्थलगत अनुगमन गरेका छन् ।
जनमत पार्टीबाट निर्वाचित भएका जनप्रतिनिधिलाई बधाई दिन पुगेका अध्यक्ष डा राउत गाउँपालिकाका वडा कार्यलय, विद्यालय, स्वास्थ्य चौकी र बलान नदिको कटान क्षेत्रको स्थलगत अनुगमन गरेका छन् । उनले यी क्षेत्रको सम्भावित सुधार तथा विकासका सम्भावनाको बारेमा अध्ययन गर्दै गाउँपालिका अध्यक्षलाई सुझाव दिएका छन् ।
त्यसअघि बलान बिहुल गाउँपालिकाको कार्यलय पुगेर गाउँपालिका प्रमुख खेमचन्द्र यादव र उपप्रमुख रिना देवीसहितका जनप्रतिनिधिलाई डा. राउतले बधाई दिए ।
त्यस अवसरमा उनले स्थानीय जनताका गुनासो र अपेक्षाहरुलाई प्रभावकारी तरीकाले सम्बोधन गर्ने संयन्त्रको विषयमा छलफल समेत भएको बलाल बिहुल गाउँपालिका प्रमुख खेमचन्द्र यादवले बताए ।
अनुगमन टोलिमा जनमत पार्टीका कोषाध्यक्ष ई.सुरेन्द्र नारायण यादव, गाउँपालिका प्रमुख खेमचन्द्र यादव, उपाध्यक्ष रिना देवी यादव लगायतका जनप्रतिनिधिहरुको सहभागिता रहेको थियो ।
