०३ साउन २०८१, शुक्रबार
19-07-2024 , Fri
×

विमान दुर्घटनामा धनुषाको एकै परिवारका ७ जनाको मृत्यु

Logo
प्रकाशित सोमबार, जेठ १६, २०७९

न्यूजमधेश डेस्क
जनकपुरधाम,१६ जेष्ठ । धनुषाको मिथिला नगरपालिका–११ निवासी राजन कुमार गोले स्थानीय तहको निर्वाचनमा घर आएका थिए । आमा–बुवा, श्रीमती, छोरा–छोरी, काका–काकीसहित घर आएका उम्मेदवारका लागि मत माग्न घरदैलोमा पनि हिँडे ।

चुनाव सकिएपछि श्रीमती र छोराछोरीलाई काठमाडौं पठाइदिएर उनले आमाबुबालाई तीर्थ यात्रामा लैजाने सोच बनाए । राजनको टोलीमा आमाबुबा मात्र होइन, काका–काकी र मामा–माइजु पनि थपिए ।

आमा राममाया, बुबा इन्द्रबहादुर, काका पुरुषोत्तम, काकी तुलसा देवी, मामा मकरबहादुर तामाङ र माइजु सुकुमायालाई लिएर उनी १३ गते पोखराका लागि निस्किए ।

मामा माइजु गाउँमै बस्ने गरेका थिए भने बाँकी सबै काठमाडौंमै बस्दै आएका थिए ।

शनिबार पोखराको विभिन्न मन्दिर दर्शन गरेका उनीहरु मुक्तिनाथको दर्शन गर्नका निम्ति आइतबार तारा एयरको जहाज चढेर जोमसोमका लागि उडे । तर उनीहरु कोही पनि मुक्तिनाथ पुग्न पाएनन् । यी ७ जनासँगै तारा एयरको जहाजमा रहेका २२ जनाको दुर्घटनामा मृत्यु भयो ।

‘राजन दाजुले नै तीर्थ यात्रामा जाऔं भनेर योजना बनाउनुभयो’ राजनका बहिनी ज्वाइँ मदन लामाले भने, ‘यत्रो ठूलो घटना हुन्छ भनेर हामीले सोच्न पनि सकेका थिएनौं ।’

मिथिला नगरपालिका–११ मा भेला भएका गोले परिवारका आफन्त ।यो घटनापछि पुरै गाउँ नै शोकमा छ । ‘जहाज सम्पर्कविहीन भएको सूचना आएदेखि नै गाउँ नै चिन्तामा थियो, सबैको मृत्यु भएको खबर आएपछि अहिले रुवाबासी चलेको छ’, वडाअध्यक्ष बेदबहादुर कार्कीले भने ।

उनका अनुसार जहाज दुर्घटनामा मृत्यु भएका राजनका मामा गाउँमै पढाउँथे । उनी केही दिनअघि सेवानिवृत्त भएका थिए ।

घर बनाए, सुखभोग गर्न पाएनन्

काठमाडौं बस्दै आए पनि पटक–पटक गाउँ आउने गरेका थिए राजन । गाउँमा उनले पुरानो घर भत्काएर नयाँ निर्माण गर्न सुरु गरेका थिए ।

‘घर लगभग तयार हुनै लागेको थियो, अब केही दिनभित्र निर्माण सम्पन्न हुने अवस्थामा थियो’, वडाअध्यक्ष कार्कीले भने, ‘तर त्यत्रो मिहिनेतले उनले बनाएको घरमा बस्नै पाएनन् ।’

राजनका श्रीमती, एक छोरा र एक छोरी छन् । नगरपालिकाका मेयर महेन्द्र महतोका अनुसार छोरीले यस पटक एसईई दिएकी छिन् भने छोरा सानै छन् । उनीहरु काठमाडौंमै पढ्दै थिए ।

घटनाले पूरा नगरपालिकालाई नै दुखित बनाएको मेयर महतोको भनाइ छ । ‘नहुनुपर्ने घटना भएको छ, हामी दिवंगत भएका राजनजीको परिवारलाई सक्दो सहयोग गर्न तयार छौं’ मेयर महतो भन्छन्, ‘उहाँको छोराछोरीलाई निःशुल्क शिक्षा दिलाउनेदेखि जीवन यापनका निम्ति पनि सहयोग गर्न तयार छौं ।’

काठमाडौंमै अन्तिम संस्कारको तयारी

जहाज दुर्घटनामा परी ज्यान गुमाउने सातै जनाको एकै ठाउँमा अन्तिम संस्कार गर्ने तयारी छ । सातै जनाको मृत्यु भइसकेपछि राजनका मामाका दुई जना छोरा काठमाडौं गइसकेका वडाअध्यक्ष कार्कीले बताए ।

प्रक्रिया पुर्‍याएर शव हस्तान्तरण गरेपछि काठमाडौंमै अन्तिम संस्कार गर्ने बिषयमा छलफल भएको उनले बताए ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]