न्यूजमधेश डेस्क
काठमाडौं,१८ जेष्ठ । बुधबार सुनको मूल्य तोलामा ८ सय रुपैयाँले गिरावट आएको छ । सुन चाँदी व्यवसायी महासंघका अनुसार सुनको मूल्य तोलामा ८ सय रुपैयाँले घट्दा चाँदीको मूल्य तोलामा २० रुपैयाँले घटेको छ ।
बुधबार छापावाल सुनको मूल्य ९७ हजार २ सय रुपैयाँ तोकिएको छ भने तेजावी सुनको मूल्य ९६ हजार ७ सय रुपैयाँ कायम भएको छ । यस्तै चाँदीको मूल्य तोलामा १ हजार २७० बाट घटेर १ हजार २५० रुपैयाँमा झरेको छ ।
मंगलबार छापावाल सुनको मूल्य ९८ हजार र तेजावी सुनको मूल्य ९७ हजार ५ सय रुपैयाँ तथा चाँदीको मूल्य १ हजार २७० रुपयाँ प्रतितोला थियो ।
