न्यूजमधेश डेस्क
जनकपुरधाम ,२१ जेष्ठ ।धनुषाको ढल्केवरमा रहेको महेन्द्र माध्यमिक विद्यालयलाई अयन्त्र सार्नु पर्ने माग राख्दै विद्यालय अगाडि प्रदर्शन भएको छ । महगी भाषाका अभियानी फुलगेन महतोले र उनको सहयोगी विजय दासले प्रदर्शन गरेका हुन् ।
विद्यालय नजिकै तथा वस्तीको बीचमा स्थापना भएको रामजानकी प्लाटिक फ्याक्ट्रीबाट निस्कने दुर्गन्धका कारण विद्यालय पढन आउने विद्यार्थीको स्वास्थ्यमा गम्भीर असर परिरहेकोले यहाँबाट विद्यालय सार्नुपर्ने प्रदर्शनकारीहरुको भनाई छ ।
पाइप फ्याक्ट्रीका सञ्चालक राजेश अग्रवाल ठूलाबडा हुन् । उसलाई राजनितिक संरक्षणसमेत रहेकाले यही दुर्गन्धका कारण स्थानीयवासीले पटक–पटक विरोज जनाउँदै आएको भएपनि सञ्चालकले दुर्गन्ध नियन्त्रण तथा फ्याक्ट्री अयन्त्र सार्ने कुनै पहल नगरेका कारण विद्यालय नै सार्नु पर्ने माग राख्दै प्रदर्शन गरेको अभियानीहरुले बताए ।
पाइप फ्याक्ट्री विद्यालयदेखि ५० मिटर उत्तरमा छ । फ्याक्ट्रीबाट निस्कने दुर्गन्ध तथा प्रदुषणका कारण मानिस बिरामी पर्न थालेका छन् ।
