मुस्कान श्रेष्ठ,
वीरगञ्ज,२६ जेष्ठ । पर्सा प्रहरीले अवैध रुपमा भन्सार छली गरी ल्याएको हार्डवयर पार्टस्, औषधिलगायतको खुद्रा सामग्रीसहित ३ वटा ट्रक नियन्त्रणमा लिएको छ । जिल्ला प्रहरी कार्यलय, पर्साबाट खटिएको टोलीले वीरगञ्ज महानगरपालिका–१० घण्टाघर सडक खण्डमाबाट बा ५ ख ८६५८ र लु २ ख ५३४९ नम्बरको मालवाहक ट्रकहरूलाई नियन्त्रणमा लिएको हो ।

बिल विजक भन्दा बढी मूल्यका विभिन्न किसिमका हार्वयर पार्टस, औषधिलगायतका मालवस्तुहरू बोकेको सूचना प्राप्त हुनसाथ रोकेर जाँच गर्ने क्रममा विल बिजक शंकास्पद देखिएको जिल्ला प्रकरी कार्यलय पर्साका प्रहरी प्रवक्ता एवम डीएसपी ओम प्रकाश खनालले जानकारी दिए ।

यसैगरी प्रहरीले वीरगञ्ज महानगरपालिका–८ माइस्थान सडक खण्डमा ना ४ ख ४३०१ नम्बरको मालवाहक ट्रकलाई नियन्त्रणमा लिएको छ । उक्त ट्रकबाट समेत बिल विजक भन्दा बढी बिभिन्न किसिमका औषधि, लत्ताकपडालगायतका खुद्रा मालवस्तुहरू बरामद भएको प्रहरीले जनाएको छ ।

तीनवटै ट्रक नियन्त्रणमा लिई २ करोडको मूल्याङ्कन गरी आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यलय पर्साका प्रहरी प्रवक्ता ओम प्रकाश खनालले बताए ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

संचालक  : मनोज कुमार मोरबैता
सम्पादक : मनोज बनैता

वरिष्ठ सल्लाहकार : बिपी साह
वरिष्ठ  सल्लाहकार : श्रवण देव

वरिष्ठ  सल्लाहकार : मोहन सिंह
वरिष्ठ  सल्लाहकार  : सन्तोष जादब

सम्पर्क

श्री मधेश न्यूज नेटवर्क प्रा.लि.

जनकपुरधाम , धनुषा ( नेपाल )

सम्पर्क : ९८४४५२०३२० ,९८०७७४९०००
ईमेल : [email protected] , [email protected]

Copyright © 2018-2022 News Madhesh