०४ साउन २०८१, शनिबार
20-07-2024 , Sat
×

धनुषा प्रहरीले ८ लाख बराबरको अवैध कपडा गरे बरामद

Logo
प्रकाशित आइतबार, जेठ २९, २०७९

न्यूजमधेश डेस्क
जनकपुरधाम ,२९ जेष्ठ । भारतबाट भन्सार छली गरी ल्याउँदै गरेको करिब ८ लाख रुपैयाँ बराबरको अवैद्य कपडा धनुषा प्रहरीले पक्राउ गरेको छ ।

जिल्ला प्रहरी कार्यालय धनुषा मातहतको ईलाका प्रहरी कार्यालय खजुरीको प्रहरी ईन्सपेक्टर निरञ्जन घिमिरेको नेतृत्वका खटि गएको गस्ती टोलीले गएराती करिब १ बजेको समयमा ८ लाख मूल्य बराबरको कपडा बरामद गरेको हो ।

टाउको बोकेर प्रहरीलाई चक्मा दिँदै ढुवानी गरी चौरमा राखिएको भन्सार छलीको कपडा राती पक्राउ गर्न सफल भएको हो । कपडा बोक्नेहरु प्रहरीलाई देख्ने बित्तिकै कपडा छाडेर भागेको प्रहरीले जनाएको छ ।

ईलाका प्रहरी कार्यालय खजुरीले अहिले सीमानाकामा अधिक कडाई गर्नुको साथै घुमुवाको टोलीलाई अहोरात्र खटाउन थालेपछि तस्करहरु स्थिर भएका छन् ।

सोही क्रममा महिनाथपुर नाकाको चोरबाटो हुँदै भन्सार छली गरी नेपाल छिराएको लाखौँ मूल्य बराबरको कपडा प्रहरीले पक्राउ गर्न सफल भएको हो ।

रातभरि नै जाग्राम बसेका ईन्सपेक्टर घिमिरे र घुमुवा प्रहरी बिरगेश मुखियाको गस्ती टोलीले गएराती १ बजेको समयमा सो मूल्य बराबरको भन्सार छलीको कपडा बरामद गरेको हो ।

जानकारी अनुसार, उनीहरु मुख्य नाका नभएर खेतबाटो भएर टाउकोमा समान बोक्ने गरी नेपाल छिराएको थियो । राती प्रहरी नआउने भन्दै ढुक्क रहेका तस्करहरुले प्रहरी देखेपछि भागेका थिए ।

जिल्ला प्रहरी कार्यालय धनुषाका एसपी बसन्त रजौरेले सीमानाकामा अझ कडाई गर्न निर्देशन दिएपछि यहाँका प्रहरी झन सक्रियता देखाएको छ । खुल्ला सीमाको कारण चोरबाटो भएर तस्करहरुले स्थानीयहरुलाई प्रयोग गरी भन्सार छलीका समानहरु छिराउने गरेका छन् ।

पक्राउ गरिएको कपडा आजै भन्सार कार्यालय जनकपुरमा कारवाहीको लागि पठाइने ईलाका प्रहरी कार्यालय खजुरीका ईन्सपेक्टर घिमिरेले जानकारी दिए ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]