न्यूजमधेश डेस्क
जनकपुरधाम,६ असार । डा सीके राउत नेतृत्वको जनमत पार्टीले सिरहामा मूल्यवृद्धि विरुद्धमा चक्काजाम गरेका छ्न।
सोमबार पुर्व पश्चिम राजमार्ग अन्तर्गत धनगढीमाई नगरपालिका ८ कसहा चौकमा जनमत पार्टी सिरहाको इन्चार्ज बिजय साहको नेतृत्वमा एक घण्टा चक्काजाम गरि बिच बाटोमै टाइरमा आगो बालेर बिरोध प्रदर्शन गरेको थियो।
चक्काजाम गर्न पुगेका जनमत पार्टीका नेता र प्रहरीबीच भनाभनसमेत भएको इन्चार्ज साहले बताए।उनले भने सरकारलाई आजको आन्दोलन एउटा सांकेतिक मात्रै थियो।यदि तुरुन्तै मुल्यवृद्धी फिर्ता लिएनन् भने कडा आन्दोलनमा उत्रिने चेतावनीसमेत उनले दिएको छ।
सरकारले हिजो पेट्रोलियम पदार्थमा भारी मूल्य वृद्धि गरेको थियो ।अहिले पेट्रोलको मूल्य १९९ रुपैया भैसकेको छ।
