न्यूजमधेश डेस्क
जनकपुरधाम ,८ असार । पेट्रोलियम पदार्थको मूल्य वृद्धिको विरुद्ध
जनमत पार्टीले तराई मधेशका विभिन्न जिल्लाहरुमा प्रदर्शन गरेका छ्न।
जनमत पार्टीले पेट्रोलियम पदार्थको मूल्य वृद्धिविरुद्ध मंगलबार रुपन्देहीको धकधईमा पेट्रोलियम पदार्थको मूल्य फिर्ताको माग गर्दै करिब २ घण्टा चक्काजाम गरि प्रदर्शन भएको हो।
पेट्रोलियम पदार्थको मूल्य वृद्धिको विरोधमा रुपन्देहीको धकधइमा प्रदर्शन गर्दै नेताहरु
प्रदर्शनकारीहरु पेट्रोलियम पदार्थको मुल्य फिर्ता गर,जनता लुटन पाइदैन जस्ता नाराहरु लगाएका थिए।
त्यसैगरी महोत्तरीको जलेश्वरमा पनि विरोध प्रदर्शन गर्नुभएको जनमत पार्टी महोत्तरीका युवा नेता बिरेन्द्र कुमार मण्डलले जनाएको छ।
जनमत पार्टीले मंगलबार तराई मधेशका सिरहा ,महोत्तरी र सुनसरीलगाइतका जिल्लाहरुमा पेट्रोलियम पदार्थको मूल्य वृद्धिको विरोधमा प्रदर्शन गरेका हुन।
यसअघि हिजो पनि जनमत पार्टीले पुर्वपश्चिम राजमार्ग अन्तर्गत धनगढीमाई नगरपालिका ८ कसहा चौकमा चक्काजाम गरेको थियो।
सरकारले सोमबाबाट लागू हुने गरि पेट्रोलियम पदार्थको भारी मूल्य वृद्धि गरेको थियो ।
