१६ चैत्र २०८०, शुक्रबार
29-03-2024 , Fri
×

सिरहाको लहान नगरपालिकाले ल्यायो १ अर्ब २६ करोड बढीभन्दा बढी बजेट

Logo
प्रकाशित शनिबार, आषाढ ११, २०७९

धर्मेन्द्र पासवान
लहान,११ असार । सिरहाको लहान नगरपालिकाले आर्थिक वर्ष २०७९/८० को लागि बजेट १ अर्ब २६ करोड ९१ लाख ३० हजार बजेट प्रस्ताव गरेको छ ।

शुक्रबार भएको १० औं नगर सभामा नगर प्रमुख महेश प्रसाद चौधरीले शुक्रबार आगामी आर्थिक वर्षको नीति तथा कार्यक्रम प्रस्तुत गर्दै उक्त बजेट प्रस्ताव गरेको छ ।

लहान नगरपालिकाको १० औं नगर सभाको प्रमुख अतिथि संघीय सरकारका खानेपानी तथा सरसफाइ मन्त्री उमाकान्त चौधरीले खानेपानी आयोजनामा स्थानीयको जनश्रमदान अनिवार्य गरेको नीतिले उपभोक्ताबाट हुने काम प्रभावित हुने गरेको बताएका छन् ।

उनले आफ्नो कार्यकालमा जनश्रमदान नीति हटाउने र त्यसको प्रत्यक्ष फायदा तराई मधेशको ४० प्रतिशत जनताले शुद्ध खानेपानीको लाभ लिन सकिने जिकिर समेत गरेका छन् ।

वडाको हिसाबले नेपालको सबैभन्दा ठुलो लहान नगरपालिकाको १० औँ नगरसभाको उद्घाटन सत्रलाई सम्बोधन गर्दै मन्त्री चौधरीले जनश्रमदान नीति हजारौँ खोनपानी आयोजनाहरुको बाधक रहेको जानकारी गराएका छन् ।

मन्त्री चौधरीले लहानवासीले केही दिनमै आफ्नो धाराबाट २४ सै घण्टा शुद्ध खानेपानी पाउने छ । जसको लागि वाटर एडले समेत काम गरिरहेको छ । लहान बजारको ढल निकास (ड्रेनेज) जमिनमुनिको नालाको लागि मन्त्रालयबाट बजेट विनियोजन गरिने पनि आश्वासन व्यक्त गरे ।

लहानमा खानेपानी एउटा ठुलो समस्या रहेको भन्दै मेयर महेश चौधरीले खानेपानीको समस्या रहेको वडाहरुमा मन्त्री उमाकान्त चौधरीलाई आफुसंगै नगरपालिकाको निरीक्षण गराएका थिए ।

लहान नगरपालिकाको नीतिमा नै ढल निर्माणका लागि नगरपालिकाले व्यहोर्नुपर्ने रकमका लागि नगर सभाबाट १ करोड रुपैयाँ विनियोजन गरिएको नगरप्रमुख महेश चौधरीले जानकारी गराएको छ ।

उद्घाटन सत्रको कार्यक्रममा उपप्रमुख रामचलितर महतोले स्वागत मन्त्वय व्यक्त गरेका थिए । स्थानीय राजतीतिक दलका प्रतिनिधि, समाजिक अगुवा, शिक्षक, वडाअध्यक्ष, वडासदस्य लगायत हजारौँ व्यक्तिहरुको सहभागीतामा नगर सभाको उद्घाटन कार्यक्रम भएको थियो ।

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम । गएराति सर्लाहीको चक्रघट्टा गाउँपालिका-३ सुन्द्रपुरबाट एक मोटरसाइकल चोरी भएको छ। स्थानीय रबिन्द्र कुमार पण्डितको घरबाट उनको प्रदेश-०२-००५ प २८६२ नम्बरको टिभिएस कम्पनीका बुल्लु रंगको एप्पाच्ची मोटरसाइकल चोरी भएको हो। एक सय ५० सीसीको सो मोटरसाइकल राति घरबाटै चोरी भएको मोटरसाइकल धनी पण्डितले बताए ।

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]