न्यूजमधेश डेस्क
सप्तरी,१४ असार । अहिलेको शिक्षालाई प्रविधि संग नजोडे सिकाउने प्रक्रियामा नवीनतम आयामहरु थपिन नसकिने बलान बिहुल गाउँपालिकाका अध्यक्ष खेमचन्द्र यादवले बताएका छन्।
प्रविधिको प्रयोगले आजको विधार्थीले भोलि गएर आफ्नो अस्तित्व स्थापित गर्न र युगानुकूल ज्ञानको संसारमा छुट्टै पहिचान बनाउन सक्ने अध्यक्ष यादवले जिकिर गरे ।
बलान बिहुल- ६ सेहरा- रौतहटमा अवस्थित जा.गा.ज.मा.वि ले आयोजना गरेको सम्मान कार्यक्रमलाई सम्बोधन गर्दै गा.पा अध्यक्षले त्यसो भनेका हुन । यादवले भने ‘शिक्षामा प्रविधिको प्रयोगलाई अर्थपूर्ण रूपमा हेर्नुपर्छ ।”
आउने केहि दिनमै सेहरा मा.वि. लगायत अन्य विद्यालयहरुमा ईन्टरनेट तथा सिसिटिभी जडान गर्ने उनले प्रतिबद्धता गरे । यादवले देशको वर्तमान शैक्षिक अवस्था बारे टिप्पणी गर्दै भने ‘देशका सम्पूर्ण शैक्षिक संस्थाहरू परम्परागत शिक्षण शैलीको मानसिकताबाट माथि उठ्न सकेका छैनन् ।
परम्परागत चालचलनहरूलाई अनुसरण गर्दै विद्यार्थीहरूलाई शिक्षकले भनेका शब्दहरू दोहो-याएर, कराएर वाचन गर्ने शिक्षण पद्धति चलनचल्तीमा छन् । शिक्षकका भाषण, प्रवचन, व्याख्या, वर्णनजस्ता शैक्षणिक विधिले अब शिक्षामा गुणस्तरीयता खोज्नु कति सान्दर्भिक हुन्छ, सबैले सोच्नुपर्ने बेला आएको छ । किताबमा लेखिएका विषयवस्तुहरू कण्ठ पारेर परीक्षामा हुबहु जसले नक्कल गर्न सक्यो उसैले उपल्लो ग्रेड प्राप्त गर्ने पद्धतिले गुणस्तर खस्केको छ ।’
त्यसैगरी उक्त विद्यालयका प्र.अ विनोदानन्द झाले स्थानीय सरकारले आर्थिक रुपमा विद्यालयलाई सहयोग गर्नुपर्ने माग गरे । झा ले भने ‘पुर्वाधार बिकासको लागि ८ करोड बजेट आएको छ जुन सराहनीय छ । आउने दिनमा यस विधालयमा कक्षा कोठाको कमी हुनेछैन तर यतिले मात्र पुग्दैन । विधालको शैक्षिक वातावरणलाई अझ सुदृढीकरण गर्न थप शिक्षक ल्याउनुपर्ने हुन्छ र यसमा पालिकाको सकारात्मक सहयोग हुनुपर्छ ।”
उक्त सम्मान कार्यक्रममा ६ वटै वडाका अध्यक्ष एवं कार्यपालिका सदस्यहरु, विद्यालयका शिक्षक, शिक्षा समितिका अध्यक्ष, सञ्चारकर्मीलगायको उपस्थिति रहेको थियो ।
नेपाल लोकतान्त्रिक पार्टीका जिल्ला सचिव चौधरीसहित सयौं जना जनमतमा प्रवेश
निहारिका राजपुत प्रकरण : बलात्कारको आरोप लागेका श्रेष्ठ पक्राउ
नगर प्रमुख साहद्वारा जलाद नदीको तटबन्ध निरिक्षण
विपासाको बेबीबम्पमा करणको चुम्बन : आमाबाबु बन्दै बलिउडको हट जोडी