न्यूजमधेश डेस्क
बाजुरा,२६ असार। बुढिगंगा नगरपालिकामा ७ हजार ४ सय १९ मतगणना हुँदा नेकपा एमालेको अग्रता कायमै रहेको छ।
एमालेका नगरप्रमुखका उम्मेदवार राम बहादुर बाँनियाले ३ हजार ८ सय ८१ मत प्राप्त गरेका छन् भने नेपाली काँग्रेसका नगरप्रमुखका उम्मेदवार रङ्ग बहादुर खातिले ३ हजार १ सय १ मत प्राप्त गरेका छन्। मेयरमा एमालेले ७ सय ८० को अग्रता कायम राखेको छ।
त्यस्तै नेकपा एमालेका उपप्रमुखका उम्मेदवार माया कुमारी खडकाले ३ हजार ७ सय ५३ मत ल्याएकी छन् भने नेपाली काँग्रेसका उपप्रमुखका उम्मेदवार रिता शाहिले ३ हजार १ सय ५३ मत प्राप्त गरेकी छन्। उपप्रमुखमा ६ सय मतले एमाले अगाडि रहेको छ।
अब वडा नम्बर ५ र ६ को मतगणना भइरहेको छ। ११ बजेभित्र पुरै मतपरिणाम आइसक्ने निर्वाचन कार्यलय बाजुराले जनाएको छ। बुढिगंगा नगरपालिका वडा न १, २, ९, १०, ८, ७, ४ र ३ को गणना सम्पन्न भएको छ। ८ वटा वडाको मतगणना सकिएको छ। अब २ वटा वडाको गणना बाँकि रहेको छ । मतगणना सकिएको १, २, ३, ९ र १० नम्बर वडामा एमाले विजयी भएका छन् । वडा नम्बर ४, ७ र ८ मा काँग्रेस विजयी भएका छन्।
बुढिगंगाको चुनाव असार २३ मा दोस्रो पटक भएको थियो। बुढिगंगामा नगरपालिका १३ हजार ६ सय ५९ मतदाता रहेका छन्।
कुल मतदाताको ६६.८३ प्रतिशत अर्थात ९ हजार १ सय २८ मत खसेको जिल्ला निर्वाचन अधिकारी नवराज अबस्थीले वताएका छन्। बैशाख ३० गते भएको चुनावमा भने ७५.५८ प्रतिशत मत खसेको थियो।
