राजेन्द्र महतो,लहान। डाका मुद्दामा केही दिनदेखि फरार रहेका एक प्रतिवादीलाई सिरहा प्रहरीले शनिबार पक्राउ गरेको छ। ईलाका प्रहरी कार्यालय बिष्णु पुर सिरहाबाट खटिएको प्रहरी टोलीले उनलाई पक्राउ गरेको हो ।
फरार प्रतिवादीको रुपमा फरार रहेका सिरहाको बिष्णुपुर गाउँपालिका -३ राजपुर बस्ने २० बर्षिय रुपेश कुमार यादवलाई प्रहरीले पक्राउ गरेको बताएको छ ।
डाका मुद्दा परेका यादव गत केहि दिन देखि फरार रहेका थिए । फरार रहेका यादवलाई ईलाका प्रहरी कार्यालय बिष्णुपुर प्रहरीको गस्ती टोलीले बिष्णुपुर गाउँपालिका -३ राजपुरबाट पक्राउ गरेर आवश्यक कारबाही बढाएको छ ।
पक्राउ परेका यादवलाई जिल्ला प्रहरी कार्यालय सिरहामा राखी थप अनुसन्धान कार्य भइरहेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले बताएका छन।
