न्युजमधेस डेस्क
जनकपुरधाम,२८ असार।
विगत भन्दा यसपालीको पालिका चुनावमा काम गर्ने जनप्रतिनिधिहरु प्रायःजसो चासो लिनुभएको देखिएको छ। जनतालाई आफुतर्फ तान्नै जस्ता कामहरु स्पष्ट हेर्न र सुन्न सकिन्छ। यस्तै, भक्तपुरको चाँगुनारायण नगरपालिका वडा नम्बर नगरकोटका वडाअध्यक्ष धनबहादुर लामाले सडकमा कार्यालय सञ्चालन गर्नुभएको छ।
उहाँले सोमबारदेखि सांकेतिक विरोध स्वरुप सडकमा वडा कार्यालयको काम सुरु गर्नुभएको हो।
सडक निर्माणका लागि सरोकारवाला निकायमा पटक–पटक अनुरोध गर्दा पनि सडक लथालिङ्ग राखिएका कारण विरोध जनाउनुपरेको उहाँको भनाइ छ।
लामा हालै सम्पन्न स्थानीय तहको निर्वाचनमा राष्ट्रिय प्रजातन्त्र पार्टी (राप्रपा)का तर्फबाट सो वडाको अध्यक्षमा निर्वाचित हुनुभएको हो।
