०३ साउन २०८१, शुक्रबार
19-07-2024 , Fri
×

जडीबुटी प्रशोधन केन्द्र तीन वर्षपछि पुनः सञ्चालनमा ल्याउने तयारी

Logo
प्रकाशित मंगलबार, आषाढ २८, २०७९

न्युजमधेस डेस्क
जनकपुरधाम, २८ असार। मधेस प्रदेशको जिल्ला धनुषाको मिथिला नगरपालिका–४, पुष्पवलपुरमा रहेको जडीबुटी प्रशोधन केन्द्र तीन वर्षपछि पुनः सञ्चालनमा आउने भएको छ । २०७६ सालमा मधेश प्रदेश सरकारले भाटीघारी सामुदायिक वन उपभोक्ता समूह पुष्पवलपुरलाई जडीबुटी प्रशोधन गर्ने मेसिन उपलब्ध गराएको थियो ।
तीन महिनासम्म सञ्चालन गरिएको जडीबुटी प्रशोधन केन्द्र कोभिड–१९ का कारण बन्द गरिएको थियो । बन्द अवस्थामा रहेको सो प्रशोधन केन्द्रमा रहेको मेसिन मर्मतसम्भार गरी पुनः सञ्चालनमा ल्याउने तयारी भएको छ ।

वन उपभोक्ता समूहका अध्यक्ष श्याम गोलेले यस प्रशोधन केन्द्रमा मेन्था, क्यामामाइल, सिट्रोनेला, तमारोजा, लेमनग्रास र कडी पत्ताको तेल उत्पादन गरिने बताउनुभयो । उहाँले यहाँ उत्पादित तेल डाबरलगायत विभिन्न आयुर्वेदिक औषधि उत्पादक कम्पनीले खरिद गर्ने भएपछि बन्द अवस्थाको मेसिन पुनः चलाउने तयारी गरेको जानकारी दिनुभयो ।

प्रशोधन केन्द्र सञ्चालनमा आइसकेपछि वन उपभोक्ता समूह मातहत रहेको हरियाली समृद्ध महिला समूहलाई हस्तान्तरण गरेको अध्यक्ष गोलेले बताउनुभयो । प्रशोधन र तेल बिक्रीबाट भएको सम्पूर्ण आम्दानी महिला समूहकै हुने पनि अध्यक्ष गोलेले जानकारी दिनुभयो ।

तेल उत्पादन गर्न चाहिने जडीबुटीका बिरुवा सामुदायिक वनमै उमारिएको जानकारी दिँदै अध्यक्ष गोलेले, भन्नुभयो, “यसलगायत वन समूहसँग आबद्ध महिला समूह र स्थानीयवासीले निजी जग्गामा उत्पादन गरेको कच्चा पदार्थसमेत खरिद गरेर तेल उत्पादन गरिनेछ ।” धनुषामा तीनवटा जडीबुटी प्रशोधन केन्द्र छ । तीमध्ये दुईवटा निजी र यो एउटा मात्र समुदायमा आधारित जडीबुटी प्रशोधन केन्द्र रहेको पुष्पवलपुरका राजकुमार आलेमगरले बताउनुभयो ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]