०४ साउन २०८१, शनिबार
20-07-2024 , Sat
×

जनकपुरबाट पक्राउ परेका १२१ जना अभियानी रिहा

Logo
प्रकाशित शुक्रबार, आषाढ ३१, २०७९

न्यूजमधेश डेस्क
जनकपुरधाम,३१ असार।चुरे तथा वन जंगल संरक्षण अभियान समितिका पक्राउ परेका १२१ जना रिहा भएका छन् ।

विहीबार जनकपुरधाम बजार बन्दको घोषणा गरेका अभियानीहरु बजार बन्द गराउन गराएको आरोपमा उनीहरुलाई प्रहरीले पक्राउ गरेका थिए ।

पक्राउ परेकाहरुलाई बिहीबार बेलुकानै रिहा गरिएको छ । विहान १२ बजे जनकपुरधामको विभिन्न चोकबाट पक्राउ परेका उनीहरुलाई दिनभरी प्रहरीले नियन्त्रणमा लिएर हिरासतमाराखेका थिए । उनीहरु चार दिनदेखि चुरे तथा वन जंगल बचाउन माग गर्दै सरकारविरुद्ध प्रर्दशन गर्दै आएका थिए ।

सोही क्रममा बिहीवार अर्थात चौथो दिन समितिले पूर्व घोषणा अनुसार बजार बन्द गराउने प्रयास गरेका थिए । उनीहरुको घोषित कार्यक्रम सबै सम्पन्न भइसकेकाले विना सर्त रिहा गरिएको धनुषाका प्रहरी नायव उपरीक्षक (डिएसपी) दीपक राइले जानकारी दिए । उनीहरुलाई नियन्त्रणमा लिदासमेत कुनै प्रकारको वधा अवरोध नभएको उनले बताए ।

मधेशका जिल्लाहरुमा चुरे तथा वन जंगलको जग्गा भू–माफियाले अतिक्रमण गरेको चुरे तथा वन जंगल संरक्षण अभियान समितिको आरोप छ ।

सुकम्बासीको नाममा भू– माफियाहरुले वन जंगल फडानी गरी जग्गा कब्जा गरेको समितिको ठहर छ । सोही अतिक्रमित जग्गा बचाउन समितिका प्रतिनिधिहरु पटक–पटक आन्दोलित हुँदै आएका छन् । ०७८ भदौं ४ गते उनीहरु आमरण अनसन बस्दा प्रदेश सरकारले तीन बुंदे सम्झौता गरेको थियो ।

छानविन समिति गठन गरी अतिक्रमित जग्गा बारे प्रतिवेदन बनाएर कारवाही गर्ने, वास्तविक सुकुम्बासीको लागि जग्गा दिलाउन पहल गर्ने र वन फडानी गर्नेहरुलाई कानुनी कारवाही गर्ने प्रदेश सरकारले आश्वासन दिएको थियो ।

सरकारले गरेको सम्झौता कार्यान्वयन नगरेको हुनाले पुनः समितिका प्रतिनिधिहरु सरकारविरुद्ध आन्दोलित भएका छन् । पहिलो दिन उनीहरुले मुख्यमन्त्री तथा मन्त्रिपरिषद् को कार्यालय, जिल्ला प्रशासन कार्यालय, जिल्ला प्रहरी कार्यालय र वन कार्यालयलाई ध्यानाकर्षण स्वरुप ज्ञापनपत्र बुझाएका थिए । दोस्रो दिन लालटेन, तेस्रो दिन झाडु जुलुस र चौथो दिन जनकपुरधाम नगर बजार बन्द गर्ने उनीहरुको कार्यक्रम थियो ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]